Новости

Боливариайнаг Республикæ Венесуэлæйы ‘рдыгæй Республикæ Хуссар Ирыстоны хæдбардзинады банымадæй 15 азы рацыды цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Боливариайнаг Республикæ Венесуэлæйы Фæсарæйнаг хъуыддæгты министр Иван Хиль Пинтомæ. 

Сæрмагондæй, арфæйы дзырдæуы:

«Венесуэлæ ссис, æхсæнадæмон аренæйы Хуссар Ирыстоны фарсмæ фыццаг чи æрбалæууыд, уыцы бæстæтæй иу. Уыцы къахдзæфæй равдыста, хуссарирыстойнаг адæмæн кæй ис сæ фыдæлты зæххыл сæрибарæй æмæ сабырæй цæрыны бар. 

Рухæны мæйы 9-æм бон Республикæ Хуссар Ирыстоны Фæсарæйнаг хъуыддæгты министрады ацыд РХИ-йы ФХъМ-йы Æвзонг дипломатты советы фыццаг рабадт. Рабадты хайад райстой РХИ-йы ФХъМ-йы Æвзонг дипломатты советы Сæрдар, РХИ-йы ФХъМ-йы Фæсарæйнаг уагдæттимæ куысты фæдыл хайады Сæрдар Санахъоты А.Г., афтæмæй ма Советы уæнгтæ – Министрады кусджытæ. Рабадты рæстæджы æвзæрст æрцыдысты Советы Сæрдары Хæдивæг – Коцты З.К., Советы Бæрнон Секретарь Цхуырбаты А.А. æмæ Президиумы уæнг – Бабуцидзе Д.С. Уымæй дарддæр ма арæзт æрцыд Советы куысты пълан иу азмæ. 

Республикæ Хуссар Ирыстон æмæ Уæрæсейы Федерацийы ‘хсæн дипломатон ахастытæ сфидар кæныны бонæй 16 азы рацыды фæдыл Республикæ Хуссар Ирыстоны Фæсарæйнаг хъуыддæгты министрадмæ æрбацыд Республикæ Хуссар Ирыстоны уæвæг Уæрæсейы Федерацийы Минæварады номæй арфæйы фыстæг, кæцыйы, сæрмагондæй, дзырдæуы:

«2008 азы рухæны мæйы 9-æм бон кæрæдзимæ нотæты арвыст нæ паддзахадтæн ссис æцæг историон цау, кæцы дзурæг уыд дывæрсон ахастыты æмæ Хуссар Ирыстоны куыд хæдбар æмæ суверенон паддзахады размæдзыды ног æмвæзад».

Хуссар Ирыстон æмæ Уæрæсейы Федерацийы ‘хсæн дипломатон ахастытæ сфидар кæныны бонæй 16 азы рацыды фæдыл Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ. 

Сæрмагондæй, арфæйы дзырдæуы:

«2008 азы рухæны мæйы 9-æм бон нæ адæмы историйы байгом ног сыф, сырæзт æмахастыты фидар бындур, кæцы, сабырдзинад, сæрибар æмæ рæстдзинадыл бындуриуæг кæнгæйæ, æвдисы нæ адæмы тырнындзинад кæрæдзийæн æппæтварсон æххуысмæ.

Рухæны мæйы 5-æм бон Республикæ Хуссар Ирыстоны Президент Гаглойы Алан фембæлд Республикæ Хуссар Ирыстоны Фæсарæйнаг хъуыддæгты министр Джиоты Æхсаримæ.

Æддагполитикон уагдоны сæргълæууæг радзырдта хуссарирыстойнаг делегацийы кусæгон балцы фæдыл Республикæ Абхазмæ, цыран бæрæг цыдысты Уæрæсейы Федерацийы ‘рдыгæй хæдбардзинады банымадæй 16 азы рацыды цытæн мадзæлттæ. Кусæгон балцы фæлгæтты РХИ-йы ФХъМ æмæ РА-йы ФХъМ-йы ‘хсæн бафыстгонд æрцыд Консультациты пълан.

Фембæлды рæстæджы ма æрдзырдæуыд Фæсарæйнаг хъуыддæгты министрады, афтæмæй ма фæсарæйнаг уагдæтты куысты фæдыл.

Рухæны мæйы 3-æм бон Цхинвалы Сыгъдæг Мады Майрæмы райгуырды аргъуаны раз Сæйраг фæзуаты ацыд Беслæны трагедийы амæттæгты мысæн акци.

Мысæн мадзалы хайад райстой Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Министрады кусджытæ.

Æрæмбырдуæвджытæ иу минут æдзæмæй алæугæйæ ссардтой Беслæны трагедийы амæттæгты рухс ном, «Хъынцъымгæнаг мад»-ы обелискмæ сæвæрдтой дидинтæ.

Фæмардуæвджыты рухс номыл арвмæ суагътой 334 урс шары.

Цхинвал, 2024 азы рухæны мæйы 3-æм бон

Кæфты мæйы 1-3 бонты Ирыстоны цæуынц Беслæны æрцæугæ æвирхъау терактæй 20 азы рацыды охыл мысæн мадзæлттæ. Уыцы трагеди ссис Уæрæсейы ног историйы æппæты уæззаудæр æмæ æбуалгъдæр цаутæй иу.

2004 азы рухæны мæйы 1-æм бон Беслæны скъолайы Зонындзинæдты бæрæгбоны рæстæджы террористтæ амынæттæй систой ахуырдзауты, сæ ныййарджыты æмæ ахуыргæнджыты. Скъолайы агъуысты фыдгæнджытæ æртæ боны дæргъы дардтой 1128 адæймаджы. Æртæ боны адæм хъизæмарæй мардысты æнæ хæрд æмæ æнæ донæй. Цыфыддæр фыдракæнды амæттæгтæ баисты æртæ сæдæ адæймагæй фылдæр – се ‘хсæн сывæллæттæ æмæ сылгоймæгтæ.

Республикæ Никарагуайы ‘рдыгæй Республикæ Хуссар Ирыстоны Хæдбардзинады банымады бонæй 16 азы рацыды цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Никарагуайы Фæсарæйнаг хъуыддæгты министр Денис Роналдо Монкада Колиндресмæ.

Сæрмагондæй, арфæйы дзырдæуы:

«2008 азы рухæны мæйы 3-æм бон Республикæ Никарагуайы ‘рдыгæй Республикæ Хуссар Ирыстоны Хæдбардзинады банымад ссис ирон адæмы историйы æцæгдæр ахсджиаг цау, кæцыйы фæрцы сын фæзынд сæрибар æмæ хæдбарæй цæрыны бар.

Рухæны мæйы 2-æм бон Республикæ Хуссар Ирыстоны Консулон агентады Дзæуджыхъæуы ацыд Горæт Цхинвалы Администрацийы сæргълæууæг Хуыгаты Ромео æмæ горæт Градары (Италийы Республикæ) мэр Филиппо Гасперийы фембæлд, кæцы Беслæны трагедийæ 20 азы рацыды охыл мысæн мадзæлтты хайад райсынæн æрцыд делегаций сконды Республикæ Цæгат Ирыстон-Аланимæ.

Фембæлды ма хайад райстой Дзæуджыхъæуы уæвæг РХИ-йы Консулон агентады Сæрдар Санахъоты Морис, РХИ-йы ФХъМ-йы Æддагон бастдзинæдты управленийы Сæрдар Джиджджойты Таймураз, РХИ-йы ФХъМ-йы Минæвар Италийы Мауро Мурджа.

Приднестроваг Молдаваг Республикæйы сырæзты бонæй 34 азы рацыды цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ.

Сæрмагондæй, арфæйы дзырдæуы:

«1990 азы рухæны мæйы 2-æм бон – приднестроваг адæмæн ахсджиаг бон, уыдон равзæрстой сæрибардзинад æмæ хæдбарады зын, фæлæ иунæг раст фæндаг.

Майрæмты мæйы 26-æм бон Республикæ Абхазы ФХъМ-йы ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары æмæ Республикæ Абхазы Фæсарæйнаг хъуыддæгты министр Сергей Шамбайы фембæлд.

Фембæлды хайад райстой Республикæ Абхазы Фæсарæйнаг хъуыддæгты министры Хæдивæг Одиссей Бигвава, Абхазы ФХъМ-йы Стратегион æмгуыстады департаменты Сæргълæууæг Джемал Бганба, Республикæ Хуссар Ирыстоны Уæлвæткон æмæ Æххæстбарджын Минæвар Республикæ Хуссар Ирыстоны Боциты Олег.

Майрæмты мæйы 26-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Абхазы фыццаг Президент Владислав Ардзинбайы Мемориалмæ, кæцы ис Сухумы районы хъæу Дæллаг Эшерайы, афтæмæй ма Абхазы дыккаг Президент Сергей Багапшы уæлмæрдмæ Очамчырайы районы хъæу Джгярдайы дидинтæ сæвæрыны церемонийы.