Сообщения МИД РЮО

Джеоргуыбайы мæйы 23-æм бон Хуссар Ирыстоны нысан цæуы Æхсардзинад æмæ Адæмон Иудзинады бон, кæцы официалон æгъдауæй расидтæуыд Республикæ Хуссар Ирыстоны Президенты 2010 азы джеоргуыбайы мæйы 23-æм бонæй Барамындмæ гæсгæ. Ацы бон 1989 азы мингай гуырдзиаг националисттæ гæрзифтонгæй æрбацыдысты Цхинвалмæ æнæбасæтгæ ирæттæн «зонд бацамоныны» фæндимæ. Фæлæ сæ фæндтæ сæ къухты нæ бафтыдысты. Ирон адæм æрбаиу сты æмæ сын сæ фæндаг æрæхгæдтой. Уый уыд национ иудзинады æвдисæн.

Афтæ райдыдта хуссарирыстойнаг адæмы тох сæ сæрибар æмæ хæдбардзинадыл, национ размæдзыд æмæ сæ бартыл.

Джеоргуыбайы мæйы 21-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар бабæрæг кодта зынгæ политикон архайæг æмæ ахуыргонд, историон зонæдты кандидат Пухаты Петры фырт Константины чиныг «Ирæтты геноциды истори 1920»-ы презентаци, кæцы ацыд Уанеты Захары номыл Хуссар Ирыстоны зонадон-иртасæн институты (ХИЗИИ) Хъæбатырдзинад æмæ адæмон иудзинады боны цытæн.

Чиныджы бæстонæй æркастæуыд 1920 азы цаутæм, кæцытæ æнустæм баззайдзысты ирон адæмы бирæазон национ-ссæрибаргæнæн тохы историйы.

Джеоргуыбайы мæйы 13-æм бон Мæскуыйы ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары æмæ Уæрæсейы æмæ Беларусы Цæдисон паддзахады Паддзахадон секретарь Сергей Глазьевы фембæлд. 

Ныхасы рæстæджы æрдзырдæуыд Хуссар Ирыстоны æмархайды фæдыл Цæдисон паддзахады структурæтимæ, сæрмагондæй, гуманитарон æмæ культурон фадгуыты. 

Фембæлды ма хайад райстой Цæдисон паддзахады Æнæивгæ Комитеты Социалон политикæ æмæ информацион ифтонгады Департаменты Сæрдар Ольга Бороненко æмæ УФ-йы уæвæг РХИ-йы Минæварады Уынаффæгæнæг Денис Долгушев. 

2025 азы джеоргуыбайы мæйы 12-æм бон Женевæйы ацыд Фæскавказы стабилондзинад æмæ æдасдзинады фæдыл Æхсæнадæмон дискусситы 65-æм раунд. Дискусситæ цæуынц Медведев æмæ Саркозийы 2008 азы майрæмты мæйы 12-æм æмæ рухæны мæйы 8-æм бонты бадзырдадтæм гæсгæ. Фембæлды хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, Америкæйы Иугонд Штатты делегацитæ, афтæмæй ма Европæйы Цæдисы, Иугонд Нациты Организацийы, Европæйы Æдасдзинад æмæ æмгуыстады фæдыл организацийы минæвæрттæ.

Джеоргуыбайы мæйы 5-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Тымбыл фынг «Бæстæйы тых – адæмы иудзинады»-йы куысты, кæцы Адæмон иудзинады боны цытæн сарæзта РПП «Иудзинад».

Джеоргуыбайы мæйы 5-æм бон Республикæ Хуссар Ирыстоны Фæсарæйнаг хъуыддæгты министрады ацыд фембæлд Н.И. Пироговы номыл Уæрæсейы национ иртасæн медицинон университеты Æхсæнадæмон хайады сæрдар Маргарита Исааковаимæ, кæцы Хуссар Ирыстонмæ æрцыд РХИ-йы ФХъМ-йы æвзонг дипломатты советы хуындæй. 

Маргарита Исаакова æвзонг дипломаттæн ауагъта презентаци «Лæмæгъ тых куыд æндæвдады сæйрагдæр хуызтæй иу», кæцыйы фæлгæтты радзырдта, нырыккон дуджы «лæмæгъ тых» æмæ адæмон дипломати куыд æндавынц дæргъвæтин бастдзинæдты рæзтыл, афтæмæй ма дзуапп ратта фарстатыл. 

Кæфты мæйы 28-31-æм бонты Республикæ Хуссар Ирыстоны Фæсарæйнаг хъуыддæгты министрады Æвзонг дипломатты советы минæвæрттæ хайад райстой Æвзонг дипломатты III æхсæнадæмон форум «Меркурий-2025»-йы, кæцы ацыд горæт Мариуполы А.И. Куинджийы номыл Мариуполы паддзахадон университеты фæлгæтты.

Форумы сæйраг темæ ацы аз ссис «Уæлахизы дипломати». Ацы ахсджиаг цау иу фæзуатыл æрæмбырд кодта Уæрæсейы 20 регионы æмæ фæсарæйнаг 20 бæстæйæ æхсæнадæмон ахастыты фадыджы студенттæ, аспиранттæ æмæ æвзонг специалистты, афтæмæй ма паддзахадон структурæтæ æмæ æхсæнадон организациты минæвæртты.

Кæфты мæйы 24-æм бон Мæскуыйы адæмон дипломатийыл 100 азы сæххæсты цытæн Æвзонг дипломатты VIII глобалон форумы фæлгæтты ацыд Республикæ Хуссар Ирыстоны Фæсарæйнаг хъуыддæгты министрады ÆДС-йы делегацийы æртæфарсон фембæлд Советы Сæргълæууæг А.Г. Патараяйы къухдариуæгадæй Республикæ Абхазы ФХъМ-йы ÆДС-йы делегаци æмæ Советы Сæргълæууæг Е.М. Акопяны сæргълæудæй Уæрæсейы Федерацийы ФХъМ-йы ÆДС-йы минæвæрттимæ.

Кæфты мæйы 24-æм бон Уæрæсейы ФХъМ-йы Дипломатон академийы йæ куыст райдыдта Æвзонг дипломатты VIII глобалон форум, кæцы цæуы адæмон дипломатийыл 100 азы сæххæсты цытæн.

Форум бакæныны цытджын церемонийы хайад исынц Республикæ Хуссар Ирыстоны Фæсарæйнаг хъуыддæгты министрады Æвзонг дипломатты советы Сæрдар Санахъоты А.Г. æмæ Республикæ Хуссар Ирыстоны Фæсарæйнаг хъуыддæгты министрады Æвзонг дипломатты советы Секретарь Цхуырбаты А.А. Æдæппæтæй форумы хайад исынц 130 дипломаты дунейы 60 бæстæйæ.

Кæфты мæйы 20-æм бон Цхинвалы ацыд Фæскавказы Æдасдзинад æмæ стабилондзинады фæдыл æхсæнадæмон дискусситы хуссарирыстойнаг делегацийы хайадисджыты кусæгон фембæлд ЕЦ, ОБСЕ æмæ ИНО-йы Æмсæрдæрттимæ.

Хайадисджытæ равдыстой сæ цæттæдзинад ацы форматы куыст дарддæр кæнынмæ æмæ банысан кодтой Дискусситы ахсджиагдзинад регионалон стабилондзинад æмæ æдасдзинад бахъахъхъæнынæн.

Нысангонд æрцыд Инциденттæ аиуварс кæнын æмæ сæм афоныл хъус æрдарыны фæдыл иумæйаг механизмы куысты ахсджиагдзинад, афтæмæй ма ныхас цыд уыцы форматы «тæвд хахх»-ы куысты фæстиуæгджын архайдыл.

Кæфты мæйы 19-æм бон хуссарирыстойнаг дипломаттæ хайад райстой Мæскуыйы Мады Майрæмы Кафедралон Аргъуаны мадзалы, кæцы ацыд венесуэлаг дохтыр Хосе Грегорио Эрнандес æмæ мад Кармен Рендилес Ромаг Католикон Аргъуаны ‘рдыгæй канонизацигонд кæй æрцыдысты, уый номыл. 

Уазджыты ‘хсæн – Уæрæсейы хицауад æмæ УФ-йы ФХъМ-йы, Мæскуыйы аккредитацигонд дипломатон корпусы минæвæрттæ. Хуынд æрцыд Республикæ Хуссар Ирыстоны Фæсарæйнаг хъуыддæгты министр Джиоты Æхсар дæр. 

2025 азы кæфты мæйы 13-17 бонты Мæскуыйы ацыд Иумæйаг хуссарирыстойнаг-уæрæсейаг демаркацион къамисы (дæлдæр – Иумæйаг къамис) Иуæндæсæм рабадт.  

Æрдзырдæуыд Республикæ Хуссар Ирыстон æмæ Уæрæсейы Федерацийы ‘хсæн паддзахадон арæнæн æхсæнадæмон-барадон хуыз раттыны фæдыл. 

Фембæлд ацыд сабыр æмæ хæларадон уавæры. 

Иумæйаг къамисы радон рабадты бон æмæ бынат нысангонд æрцæудзысты дипломатон каналты уылтыл.