Комментарии МИД РЮО

Archive
МИД Южной Осетии

Нæ хъус æрдардтам Гуырдзыйы цы радон ныхас æрцыд загъд Республикæ Хуссар Ирыстон æмæ Абхазы адæмимæ иу фидæнмæ тырнындзинады фæдыл, уымæ. Ацы хатт та хæдбардзинады бонмæ йæ раныхасы гуырдзиаг премьер-министр Кобахидзе раргом кодта «2030 азмæ ирон æмæ абхазаг æфсымæртæ æмæ хотимæ иугонд æмæ тыхджын Гуырдзыстоны» цæрыны фæдыл «гуырдзиаг фæнд». 

МИД Южной Осетии

Нæ хъус æрдардтам Адæймаджы барты фæдыл Европæйы тæрхондоны Гуырдзыстоны искы тыххæй уынаффæмæ, кæцымæ гæсгæ Хуссар Ирыстон æмæ Абхазы хæлд цæуынц адæймаджы бартæ. 

Хъыгагæн, æхсæнадæмон барад ссис политикон манипуляцийы объект. Æхсæнадæмон тæрхондоны кæй ис уый гæнæн, æмæ æркæсой искмæ «Гуырдзыстон Уæрæсейы ныхмæ», уый дæр ныридæгæн у фыдракæнд, уымæн æмæ йæ бындуры ис развæлгъау æнахъинон сайд.

МИД Южной Осетии

2014 азы æртхъирæны мæйы Киевы райдыдтой цаутæ, кæдонæн Украинæйы ног мифологийы фæзынд ном «Аккагдзинады революци». Уыцы цаутæ фæстæдæр ныппырх кодтой Украинæйы хæдбардзинад æмæ суверенитет.

«Уæрæсейы ныхмæ коалицийы» бæстæтæ цы мидполитикон кризис расидтысты, уый æрбæстон кæныны фадат уыцы рæстæг уыд. Кæд æмæ Киевы уавæр æрбæстон кæнынæн бафыст æрцыд документ, уæддæр хицауад æмæ оппозицийы ‘хсæн цы быцæуаг фарстытæ сæвзæрд, уыдон нæ бантыст аскъуыддзаг кæнын. Бæрæг у, æмæ йæ реализаци нæ уыд «коллективон Ныгуылæны» пълæнтты, кæцыйы сæргъ сты Америкæйы Иугонд Штаттæ.

МИД Южной Осетии

2023 азы джеоргуыбайы мæйы 6-æм бон Гуырдзыстонимæ арæнгæрон Ленингоры районы хъæу Æмдзаринмæ хæстæг цы цау æрцыд, уый фæдыл джеоргуыбайы мæйы 23-æм бон Европæйы парламент ныффидар кодта резолюци.

Хъыгагæн, уынæм европæйаг структурæты рæууатмæ цыд. Фæнысангонд гоймæгтæ барвæндæй кæй рахызтысты Республикæ Хуссар Ирыстоны арæны сæрты æмæ кæй сæвзæрын кодтой арæнхъахъхъæнджыты цардæн тæссагдзинад, уый дызæрдыккаг нæу, уымæй дарддæр уыцы цау нысангонд æрцыд видеоæрмæджытæ æмæ къамтыл.

Республикæ Анголайы сæйраг горæт Луандайы ацыд Æхсæнпарламентон цæдисы 147-æм Ассамблей ахæм темæйыл: «Парламентон архайдтытæ сабырад, рæстдзинад æмæ эффективон институтты арæзтады хæрзиуæгæн». Ассамблейы фæлгæтты йæ раныхасы Гуырдзыстоны парламенты сæрдар Ш. Папуашвили æрдзырдта афтæ хуыйнæг оккупацийы темæйыл, кæцыйы банысан кодта, историон æгъдауæй Хуссар Ирыстон æмæ Абхаз кæй хауынц Гуырдзыстонмæ.

Бæрæг у, Ассамблейы трибунæйæ цы фехъусын кодта, уымæй кæй хъары дунеон æмæхсæнадæн æцæг цы нæ уæвы, уый. Хуссар Ирыстон æмæ Абхаз нæ хаудтой историон æгъдауæй Гуырдзыстонмæ.

МИД Южной Осетии

Кæфты мæйы 12-æм бон Израилы Хæстон-уæлдæфон тыхтæ фæцæф кодтой Сириаг Араббаг территори, кæцыйы фæстиуæгæн бахъыгдард сты Дамаск æмæ Алеппойы æхсæнадæмон аэропортты фæндæгтæ. 

Газæйы Секторы æмæ æмтгæй сисгæйæ палестинаг-израилаг ахастыты æндыгъд уавæрæн абоны бон ис æвирхъау фæстиуджытæ, фæмард сты бирæ адæм, уыдоны нымæцы бынæттон цæрджытæ дæр. Уый фæдыл сыхаг паддзахадты инфраструктурæйыл авиацæфтæ тæссаг сты регионы æндыгъд уавæр ноджы февзæрдæр кæнынæн.

Æнæдызæрдыгæй, уæвæг быцæуаг фарстытæ æрбæстон кæныны фадат ис æрмæстдæр политикон-дипломатон методтæй.

МИД Южной Осетии

Нæ хъус æрдардтам Нью-Йорчы цæуæг ИНО-йы Генералон Ассамблейы 78-æм сессийы фæлгæтты гуырдзиаг хицауады сæрдар Ираклий Гарибашвилийы раныхасмæ. «Абхазаг æмæ ирон хотæ æмæ ‘фсымæртæм» сидгæйæ, уый банысан кодта, зæгъгæ, «нæ иудзинады ныхмæлæууæг- нæ иумæйаг знаг», афтæмæй ма радон хатт бавнæлдта «Гуырдзыстоны оккупацийы» темæмæ.

МИД Южной Осетии

Куыд рабæрæг, афтæмæй рухæны мæйы 19-æм бон сахар Дзæуджыхъæуы ацыд УФ-йы Базарадон-сæудæджерадон палатæйы цур Уæрæсейаг-Гуырдзиаг хъуыддагон советы рацæугæ рабадт, кæцы сырæзт 2023 азы æртхъирæны мæйы. Ацы мадзалы фæуды фæстæ кæцыдæр интернет фæрæзтæ фехъусын кодтой, ома, рабадты рæстæджы загъдæуыд «Хуссар Ирыстоны уылтыл фæндаг бакæныны» хъуыды. Уыимæ иумæ хъæуы банысан кæнын, Уæрæсейаг-Гуырдзиаг хъуыддагон советы официалон сайтыл ацы фарсты кой кæй нæй.

МИД Южной Осетии

Хурхæтæны мæйы 7-æм бон Нью-Йорчы Иугонд Нациты Организацийы Генералон Ассамблейы 77-æм сессийы фæлгæтты райстæуыд Хуссар Ирыстон æмæ Абхазы лигъдæтты æмæ мидбынаты иу ранæй иннæ ранмæ чи ацыд   цæрынмæ, уыдоны уавæры фæдыл резолюци. Уыцы резолюцийы райст сцырен кодта Гуырдзыстон.

Ахсар Джиоев

«УФ Президент Владимир Путин абон сфидар кодта Уæрæсейы Федерацийы æддагон политикæйы Концепци. Нырыккон зын уавæр хынцгæйæ йæм бахастæуыд ивындзинæдтæ æмæ бæрæг кæны Уæрæсейы æхсæнадæмон архайды сæйрагдæр здæхтытæ, хæстæ æмæ нысæнттæ. 

МИД Южной Осетии

Лæмбынæгæй нæ хъус дарæм Гуырдзыстоны фæстаг бонты цы хабæрттæ цæуы, уыдонмæ. Бæрæг у, ногæй та ацы бæстæйы йæ ныгуылæйнаг куратортæ æмæ «хæлæрттæ» цы мидполитикон кризисмæ бакодтой, уый гæнæн ис æмæ тæссаг уа æппæт Фæскавказаг регионы сабырад æмæ æдасдзинадæн. Уымæн æвдисæн у бунтгæнджыты лозунгты ивындзинад, кæцытæ ахызтысты гуырдзиаг мидполитикæйы арæнтæй æмæ адæммæ сидынц Хуссар Ирыстон æмæ Абхазы ныхмæ ногæй рацæуын.

МИД Южной Осетии

Нæ хъус æрдардтам Гуырдзыстоны президент С. Зурабишвилийы ныхæстæм, кæцы йæ интервьюйы «Bloomberg»-æн загъта, зæгъгæ, Республикæ Хуссар Ирыстон æмæ Абхазы Республикæйы территоритæм домæнтимæ баст Гуырдзыстоны проблемæтæ хъуамæ лыг æрцæуой Уæрæсе æмæ Украинæйы ʻхсæн фидæны сабырадон бадзырдимæ бастæй. Афтæмæй, Зурабишвили развæлгъау нымайы, зæгъгæ, фидæны сабырадон бадзырдты Уæрæсе æнæмæнгæй уыдзæн æвдыст фембылдуæвæг фарсæй.