Æртхъирæны мæйы 24-æм бон Республикæ Хуссар Ирыстоны Президент Гаглойты Эдуарды фырт Аланы Барамындмæ гæсгæ Джиоты Мурæты фырт Æхсар нысангонд æрцыд Республикæ Хуссар Ирыстоны Фæсарæйнаг хъуыддæгты министрæй.
2026 азы æртхъирæны мæйы 24-æм бон
Новости
Æртхъирæны мæйы 17-æм бон Цхинвалы ацыд Фæскавказы Æдасдзинад æмæ стабилондзинады фæдыл æхсæнадæмон дискусситы хуссарирыстойнаг делегацийы хайадисджыты кусæгон фембæлд ЕЦ, ОБСЕ æмæ ИНО-йы Æмсæрдæрттимæ.
Фембæлды рæстæджы æрдзырдæуыд Дискусситы радон 66-æм раунды актуалон фарстатыл, кæцы нысангонд æрцыд ацы азы тæргæйтты мæйы 18-19 бонтæм.
Æртхъирæны мæйы 17-æм бон Республикæ Хуссар Ирыстоны Президент Гаглойты Алан фембæлд Республикæ Абхазы Фæсарæйнаг хъуыддæгты министр Олег Барцицимæ.
Фембæлды ма хайад райстой РХИ-йы Фæсарæйнаг хъуыддæгты министры хæстæ æххæстгæнæг Джиоты Æхсар, Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Алан, Республикæ Абхазы Фæсарæйнаг хъуыддæгты министры хæдивæг Одиссей Бигвава, Республикæ Абхазы ФХъМ-йы Стратегион æмгуыстады департаменты сæрдар Джемал Бганба.
Æртхъирæны мæйы 17-æм бон Республикæ Хуссар Ирыстоны Фæсарæйнаг хъуыддæгты министрады ацыд Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсары æмæ Абхазы Фæсарæйнаг хъуыддæгты министр Олег Барцицы фембæлд.
Æртхъирæны мæйы 17-æм бон Республикæ Хуссар Ирыстоны Фæсарæйнаг хъуыддæгы министры хæстæ æххæстгæнæг Джиоты Æхсар æмæ Республикæ Абхазы Фæсарæйнаг хъуыддæгты министр Олег Барциц бабæрæг кодтой мемориалон комплекс «Хуссар Ирыстоны хъахъхъæнджытæн». Олег Барциц Абхазы ФХъМ-йы делегацийы сæргъ кусæгон балцимæ æрцыд Цхинвалмæ.
Джиоты Æхсар æмæ Олег Барциц абхазы делегацийы уæнгтимæ сæвæрдтой дидинтæ мемориалмæ æмæ ссардтой фæмардуæвджыты рухс ном.
2026 азы æртхъирæны мæйы 17-æм бон
Æртхъирæны мæйы 16-æм бон Республикæ Абхазы Фæсарæйнаг хъуыддæгты министрады делегаци Фæсарæйнаг хъуыддæгты министр Олег Барцицы сæргълæудæй кусæгон балцимæ æрцыд Республикæ Хуссар Ирыстонмæ.
Делегацийы сконды: Фæсарæйнаг хъуыддæгты министры хæдивæг Одиссей Бигвава, Министры æххуысгæнæг Дмитрий Амичба, Стратегион æмгуыстады департаменты сæрдар Джемал Бганба, Финансон департаменты сæрдар Владимир Хашиг, Паддзахадон протоколы департаменты референт Саид Тарба.
Æртхъирæны мæйы 10-æм бон видеоконференцийы хуызы ацыд Республикæ Хуссар Ирыстоны Фæсарæйнаг хъуыддæгты министрады цур Æвзонг дипломатты советы æмæ Приднестроваг Молдаваг Республикæйы Фæсарæйнаг хъуыддæгты министрады цур Æвзонг дипломатты советы 'хсæн Æмгуыстады фæдыл меморандумы бафыст.
Республикæ Хуссар Ирыстоны ФХъМ-йы цур ÆДС-йы фарсæрдыгæй документ æрфыста Советы Сæрдар Санахъоты Алексей, Приднестроваг Молдаваг Республикæйы ФХъМ-йы цур ÆДС-йы фарсæрдыгæй – Советы Сæрдар Кирилл Шидловский.
Æртхъирæны мæйы 10-æм бон Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар æмæ Приднестроваг Молдаваг Республикæйы Официалон минæварады Сæрдар Республикæ Хуссар Ирыстоны Плиты Алан видеоконференцийы хуызы хайад райстой Приднестроваг Молдаваг Республикæйы Фæсарæйнаг хъуыддæгты министрады Дзуапдæттæн коллегийы рабадты, кæцы ацыд æддагполитикон уагдоны 2025 азы куысты фæдыл.
Дипломатон кусæджы боны цытæн Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар арвыста арфæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ.
Сæрмагондæй, арфæйы дзырдæуы:
Дипломатон кусæджы боны цытæн Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ.
Сæрмагондæй, арфæйы дзырдæуы:
«Дунеон аренæйы Уæрæсейы дипломатийы бæрзонд æмвæзад абоны бон бирæбæрцæй у дæ номимæ баст. Æнæфæцудгæ традицитыл бындуриуæг кæнгæйæ, æхсæнадæмон барады нормæтæ хынцгæйæ, Уæрæсейы æддагполитикон службæ дæ къухдариуæгады бын æнтысджынæй хъахъхъæны æхсæнадæмон аренæйы бæстæйы интерестæ, фæсарæйнаг партнертимæ кæны фæстиуæгджын куыст».
Уæрæсейы Федерацийы Минæварад Республикæ Хуссар Ирыстоны хъусын кæны, Уæрæсейы Федерацийы территоримæ кæй нæй наркотикон зайæгой гармалайы (адыраспан) æмæ буарад гармин æрбаласын, афтæмæй ма æнæзакъонон æрзылды бар. Зайæгойы парахат, уый нымæцы интернеты дæр, у тобæгонд.
Уæрæсейы Мидхъуыддæгты министрад хъусын кæны, фæткхалджытæ кæй баййафдзысты карз æфхæрд ивар æмæ ахæстоны хуызы, фæсарæйнаг æмбæстæгтæ ма депортацигонд æрцæудзысты УФ-йы территорийæ. Зайæгой кæнæ буарады егъау парти кæмæ разына, уымæ та æнхъæлмæ кæсы ахæстон йæ царды кæронмæ, афтæмæй ма 1 милуан сомы онг ивар.
Æртхъирæны мæйы 4-æм бон Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар райста йæхимæ Республикæ Хуссар Ирыстоны уæвæг Сырх Дзуары Æхсæнадæмон Комитеты (СДÆК) Сæрдар Саид Ассадуллайы æмæ РХИ-йы уæвæг СДÆК-ы Минæварады Æдасдзинады хайады сæрдар Марко Дошлякы.
Ныхасы рæстæджы æрдзырдæуыд Хуссар Ирыстоны уæвæг СДÆК-ы Минæварады гуманитарон проекттимæ баст практикон фарстатыл, афтæмæй ма хъуыдытæ загъдæуыд æмгуыстады актуалон здæхтытыл.