Фракци «Гуырдзиаг фæнд»-ы сæргълæууæг Иракли Кирцхалия йæ раныхасы гуырдзиаг парламенты фæззыгон сессийы рæстæджы фехъусын кодта, «гуырдзиæгтæ, абхазæгтæ æмæ ирæттæн ис иу фыдыбæстæ æмæ иумæйаг фидæн» æмæ æрсидт «фидар, суверенон æмæ сабырадон паддзахад» аразынмæ. Уыцы раныхас нæ уыд æнæнхъæлæджы.
Ахæм «фидауынгæнæн» ныхæстæ рæстæгæй рæстæгмæ фæзынынц Гуырдзыстоны политикæйы, фæлæ йæ рæстæг куыд æвдисы, афтæмæй сты æцæгдзинадæй дард. Ацы ныхæстæн бынтондæр ницы иудзинад ис гуырдзыстоны хицауад æцæг цы аразы, уыимæ. Уымæн æвдисæн – официалон Тбилисы Хуссар Ирыстоны ныхмæ архайыны фæлварæнтæ, уый нымæцы Фæскавказы Æдасдзинады фæдыл æхсæнадæмон дискусситы фæзуатыл дæр, кæцыты фæлгæтты гуырдзиаг фарс нæу разы тыхæй ма спайда кæныны фæдыл юридикон æгъдауæй хæсджынгæнæг документ бафыссынмæ.
Ахсджиаг у зæрдыл æрлæууын кæнын уый, æмæ «иумæйаг фыдыбæстæйы» фæдыл тезис у историон фактты ныхмæ, æмæ афтæ хуыйнæг оккупацийæ пайда кæныны та нæдæр барадон бындур ис, нæдæр политикон. Хуссар Ирыстоны адæм сæхæдæг бавзæрстой «гуырдзиаг сыхагдзинады» аргъ æмæ тынг хорз æмбарынц, чи у йе 'цæг æмцæдисон æмæ æдасдзинады гарант.
2008 азы Уæрæсейы 'рдыгæй Республикæ Хуссар Ирыстон æмæ Абхазы хæдбардзинады банымад у æцæгдзинад, кæцыимæ хъæуы сразы уын, фыццаджыдæр – гуырдзиаг къухдариуæгадæн.
2026 азы рухæны мæйы 6-æм бон