Новости

Республикæ Хуссар Ирыстоны Фæсарæйнаг хъуыддæгты министр Джиоты Æхсар Сандинистон революцийы фæуæлахизæй 44 азы рацыды цытæн арвыста арфæйы фыстæг Никарагуайы Фæсарæйнаг хъуыддæгты министр Денис Роналдо Монкада Колиндресмæ.

Сæрмагондæй, арфæйы дзырдæуы:

«Сандинистон адæмон революцийы фæуæлахиз ссис йæ бæстæйы патриотты, рæстдзинад æмæ сæрибары ‘вварсхæцджыты- Латинаг Америкæйы легендарон национ хъайтарты дæргъвæтин æмæ тугкалд тохы фæстиуæг, æмæ, æнæдызæрдыгæй, у ахсджиаг цау, кæцымæ гæсгæ рабæрæг Никарагуайы паддзахаддзинады райрæзты фæндаг».

Сусæны мæйы 17-æм бон Манагуамæ балцы фæлгæтты Сандинистон революцийы фæуæлахизы фæдыл бæрæгбонон мадзæлттæм ацыд Хуссар Ирыстоны Уæлвæткон æмæ Æххæстбарджын Минæвар Никарагуайы Козаты Наримы фембæлд Никарагуайы Фæсарæйнаг хъуыддæгты министры Хæдивæг Арлетт Маренкоимæ.

Фембæлды рæстæджы Козаты Нарим раарфæ кодта Никарагуайы адæмæн Сандинистон революцийы фæуæлахизæй 44 азы рацыды цытæн æмæ Хуссар Ирыстоны адæмы номæй загъта зæрдæбын арфæтæ.

Дыууæ Фарс дæр æрдзырдтой дывæрсон æмгуыстады ныры уавæр æмæ йæ дарддæры райрæзтыл.

Цхинвал, 2023 азы сусæны мæйы 18-æм бон

Сусæны мæйы 11-15 бонты Республикæ Хуссар Ирыстоны Фæсарæйнаг хъуыддæгты министрады кусджытæ хайад райстой Евразийы бæстæты Æвзонг дипломатты форумы, кæцы ацыд фестиваль «Манжерок»-ы фæлгæтты Хæххон-Алтайскы.

Мадзалы организатортæ уыдысты Уæрæсейы Фæсарæйнаг хъуыддæгты министрады Æвзонг дипломатты совет Россотрудничество, парти «Иугонд Уæрæсе» æмæ Республикæ Алтайы Хицауадимæ иумæ.

Хуссар Ирыстоны бæрæг кæнынц Фидауынгæнæджы бон.

1992 азы хурхæтæны мæйы 24-æм бон Уæрæсейы, Гуырдзыстоны, Цæгат æмæ Хуссар Ирыстоны сæргълæуджыты къухæй бафыстгонд гуырдзиаг-ирон конфликт æрбæстон кæныны сæйраг принципты фæдыл Фидыдыл бындуриуæггæнгæйæ, 1992 азы сусæны мæйы 14-æм бон Республикæ Хуссар Ирыстоны территоримæ конд æрцыдысты Сабырад бавæрыны æмхæццæ тыхтæ.

16 азы дæргъы æххæстгонд цыд фидауынгæнæн операци, æмæ уыцы уæрæсейаг, ирон æмæ гуырдзиаг батальонтæй арæзт хæстон тыхтæ æндыгъд уавæрты уыдысты сабырад æмæ æдасдзинады æппæты фидардæр гарант.

2023 азы сусæны мæйы 11-12 бонты Женевæйы ацыд Фæскавказы æдасдзинады фæдыл æхсæнадæмон дискусситы радон раунд. Фембæлды хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, Америкæйы Иугонд Штатты делегацитæ, афтæмæй ма Европæйы Цæдисы, Иугонд Нациты Организацийы (ИНО) æмæ Европæйы Æдасдзинад æмæ æмгуыстады фæдыл организацийы (ЕÆÆО) минæвæрттæ. Хуссарирыстойнаг делегацийы сæргъ лæууыд Президенты Паддзахадон уынаффæгæнæг Коцты Константин.

Дискусситæ цыдысты дыууæ кусæгон къорды: æдасдзинады æмæ гуманитарон фарстыты фæдыл.

Сусæны мæйы 7-æм бон Республикæ Хуссар Ирыстоны Фæсарæйнаг хъуыддæгты министрады Æххæстбарджын Минæвар Туркаг Республикæйы Хоситы Бурхан Уæрæсейы Генералон Консул Стамбулы Андрей Буравовы хуындæй хайад райста «Уæрæсейы хæлæртты клубы» рабадты Стамбулы.

Мадзалы ма хайад райстой Республикæ Абхазы Æххæстбарджын Минæвар Турчы Республикæйы Ибрахим Авидзба æмæ Турчы Абхазаг культурон центрты федерацийы Минæвар Мурат Махария, афтæмæй ма Республикæ Беларусы Генералон Консул Стамбулы Алексей Швед.

Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ йæ Райгуырæн боны цытæн.

Сæрмагондæй, арфæйы дзырдæуы:

«Бирæазон дипломатон службæйы рæстæджы дæхи равдыстай куыд фæлтæрд æмæ зондджын паддзахадон архайæг, кæцы æнувыд у йæ бæстæ æмæ йæ адæмыл. Нæй саргъ гæнæн дæ бæрзонд профессионализм æмæ политикон куырыхондзинадæн, кæцытæ бирæбæрцæй сты Приднестроваг Молдаваг Республикæйы Фæсарæйнаг хъуыддæгты министрады æнтысджын куысты æвдисæг.

Республикæ Хуссар Ирыстоны Фæсарæйнаг хъуыддæгты Министр Джиоты Æхсар Венесуэлæйы Хæдбардзинады боны цытæн арвыста арфæйы фыстæг Боливариайнаг Республикæ Венесуэлæйы Фæсарæйнаг хъуыддæгты министр Иван Хиль Пинтомæ.

Сæрмагондæй, арфæйы дзырдæуы:

Сусæны мæйы 3-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Хуссар Ирыстон æмæ Уæрæсейы ‘хсæн Мидхъуыддæгты органты Иумæйаг информацион- координацион центры (ИИКЦ) сырæзты æмæ архайды фæткы фæдыл Фидыды бафыстæй 7 азы рацыды охыл цытджын æмбырды.

Мадзалы хайад райстой Хуссар Ирыстоны Президент Гаглойты Алан, Хуссар Ирыстоны Хицауады Сæрдар Джуссойты Константин, Уæрæсейы Минæвар Хуссар Ирыстоны Марат Кулахметов, тыхон уагдæтты къухдариуæггæнджытæ.

Хæдбардзинады боны цытæн Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Республикæ Беларусы Фæсарæйнаг хъуыддæгты министрадмæ.

Сæрмагондæй, арфæйы дзырдæуы:

«Ацы бон белоруссаг адæмы историйы ныффидар, куыд национ сæрыстырдзинады, лæджыхъæды æмæ хъæддыхдзинады, афтæмæй ма иудзинады, бæстæйы абон æмæ сомбоны иумæйаг бæрны символ.

Приднестроваг Молдаваг Республикæйы Фæсарæйнаг хъуыддæгты министрады сырæзтыл 31 азы сæххæсты цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ.

Сæрмагондæй, арфæйы дзырдæуы:

«Министрад йæ сырæзты фыццаг бонæй фæстæмæ фидарæй лæуд у цыфæнды зын геополитикон уавæрты дæр Приднестроваг Молдаваг Республикæйы интерестæ хъахъхъæныны æмæ размæ кæныны фæндагыл.

Хурхæтæны мæйы 28-æм бон пысылмон диныл хæст адæм бæрæг кæнынц сæ иууыл кадджындæр бæрæгбонтæй иу - Хъуырман-байрам.

Республикæ Хуссар Ирыстоны Фæсарæйнаг хъуыддæгты министр Джиоты Æхсар сабырдзинад, хæларад æмæ фæрныгады фæндиæгтимæ арвыста арфæйы фыстæджытæ Сириаг Араббаг Республикæйы Фæсарæйнаг хъуыддæгты æмæ эмигрантты хъуыддæгты фæдыл министр Фейсал аль-Микдадмæ æмæ Сириаг Араббаг Республикæйы Уæлвæткон æмæ Æххæстбарджын Минæвар Уæрæсейы Федерацийы Башар Джаафаримæ.