2015 азы 16 апрелы Луганскы Адæмон Республикæйы уыдис Республикæ Хуссар Ирыстоны Минæварад бакæныны церемони.
Минæварад бакæныны церемонийы фæстæ уыдис РХИ минæвæртты фембæлд ЛАР Сæргълæууæг Игорь Плотницкиимæ, кæцыран дыууæ фарсы дæр ныфсдзинад загътой, зæгъгæ, Минæварады куыст ахъаз кæндзæнис Хуссар Ирыстоны æмæ Луганскы ‘хсæн хæлардзинадон бастдзинæдтæ рæзын кæнынæн, афтæ ма гуманитарон, экономикон æмæ æндæр сферæты дывæрсыг ахастытæ рæзын кæнынæн дæр.
Цхинвал, 2015 азы 17 апрель
16 апрелы Донецкы Адæмон Республикæйы горæт Донецкы йæ куыст райдыдта Республикæ Хуссар Ирыстоны минæварад.
Минæварад бакæныны церемонийы ДАР минæвæрттæ ныфсдзинад загътой, зæгъгæ, Минæварад бакæнын ахъаз кæндзæнис Донбассы æмæ Хуссар Ирыстоны ‘хсæн гуманитарон, экономикон æмæ æндæр сферæты ахастытæ рæзын кæнынæн.
Æввахсдæр перспективæйы фæнд цæуы, цæмæй ахæм офис баконд æрцæуа Хуссар Ирыстоны сæйраг горæт Цхинвалы дæр.
Цхинвал, 2015 азы 16 апрель
31 марты гуырдзиаг лидер Георгий Маргвелашвили парламенты йæ æрвылазон хыгъды Гуырдзыстоны сæйраг нысаныл банымадта бæстæйы иудзинад æмæ æнæхъæндзинад, кæцы, зæгъы, цæмæй сæххæст уа, уый тыххæй «æнæмæнг хъуыддаг у Абхазы æмæ Хуссар Ирыстоны оккупацийæн кæрон скæнын». Уыимæ иумæ Гуырдзыстоны паддзахады сæргълæууæг æнæмæнг хъуыддагыл банымадта, цæмæй хъуыддагæй фенын кæна йæ аудындзинад абхазæгтæ æмæ ирæтты «хæдбындурдзинад бахъаъхъхъæнын, сæ политикон æмæ культурон бартæ æххæст кæнынæн сын Европæйаг Гуырдзыстоны паддзахад гарант кæй у, уый».
2014 азы 19 ноябры Цхинвалы уыдис фæсконфликтон уавæр æрбæстон кæныны фарстыты фæдыл Президенты Æххæстбарджын минæвар Джиоты Мураты сæргълæудæй Женевайы дискусситы хайадисæг хуссарирыстойнаг делегацийы кусæгон фембæлд Фæскавказы æдасдзинад æмæ стабилондзинады ЕЦ, ЕÆÆО æмæ БНО Женевайы дискусситы Æмсæрдæрттимæ, кæцытæ нæ Республикæмæ æрцыдысты дискусситы радон раунды хæдразмæ.
Фембæлды рæстæджы æрдзырдтой Женевайы дискусситы тематикæйы æппæт спектрты фарстытыл, кæцытыл æруынаффæ кæнын нысан цæуы ацы аз, декабры.
29 октябры Республикæ Хуссар Ирыстоны Фæсарæйнаг хъуыддæгты министр Санахъоты Д.Г. йæхимæ райста Республикæ Хуссар Ирыстоны Сырх Дзуары Дунеон Комитеты ног сæргълæууæг Ян Мишкоцы.
Фембæлды рæстæджы дыууæ фарсы æруынаффæ кодтой дывæрсыг æмкуысткæнынад æмæ организацийы дарддæры архайдыфарстытыл Хуссар Ирыстоны. Санахъоты Д.Г. бузныг загъта Сырх Дзуары Дунеон Комитеты Хуссар Ирыстоны цы проекттæ æххæст кæны, уыдон тыххæй æмæ сын банысан кодта сæ нысаниуæг.
Фæстаг рæсæджы Гуырдзыстоны дзыллон информацийы фæрæзтæ се ‘мыдзаг сты ирон æмæ абхазаг адæмты гуырдзиаг къухдариуæггæнджытæ цы æнæкæрон уарзтæй уарзынц, уый тыххæй хъусынгæнинæгтæй æмæ сыл, æзфæраздæронæй, бæттынц куы се ‘фсымæрдзинад, куы сын Гуырдзыстоны сконды автономи кæй ратдзысты, куы европæйаг перспективæ.
14 октябры Гуырдзыстоны Фæсарæйнаг хъуыддæгты министр Ираклий Аласания фехъусын кодта дунеон æмæхсæнады тынг æндæвдадæй Гуырдзыстон кæй райдайдзæнис Хуссар Ирыстоны æмæ Абхазы «деоккупаци» æмæ, зæгъы, дыууæ бæстæйы парламентты нормативон акттæн нæй ницахæм дунеон-барадон нысаниуæг.
Гуырдзыстоны политикты дунеæмбарынады аббераци уыдон джиз дары æцæгдзинадæн объективонæй æсаргъ кæныны хъуыддаджы. Республикæ Хуссар Ирыстоны уæвынады фарст, куыд йæ паддзахадон хицауады органты уынаффæты райст никуыцæй хауы, гуырдзиаг чиновниктæ йын цахæм аргъ скæной, уымæ.
Фæскавказы æдасдзинад æмæ стабилондзинады фарстаты фæдыл Дунеон дискусситы 29-æм раунды хатдзæгты тыххæй
2014 азы 7-8 октябры Женевæйы уыдис Фæскавказы æдасдзинад æмæ стабилондзинады фæдыл Дунеон дискусситы радон раунд. Хайад дзы райстой Республикæ Хуссар Ирыстоны, Абхазы Республикæ, Гуырдзыстон, Уæрæсейы Федераци, АИШ делегацитæ, афтæ ма ЕЦ, ИНО æмæ ЕÆÆО минæвæрттæ. Хуссарирыстойнаг делегацийы сæргъ лæууыдис фæсконфликтон ситуаци æрбæстон кæныны фарстаты фæдыл Президенты Æххæстбарджын минæвар Джиоты М.К.
Дунеон экономикон форумы арæнты Г. Маргвелашвилийы раныхасы фæдыл
29 сентябры, Стамбулы, Дунеон экономикон форумы аренайы гуырдзиаг лидер Г. Маргвелашвили фехъусын кодта, зæгъгæ, Уæрæсе Республикæ Хуссар Ирыстоны хæдбардзинад куы банымадта, уæд «Гуырдзыстон бафыста 2008 азы евроинтеграцийы тыххæй». Йæ дзырдтæм гæсгæ уый у Гуырдзыстоны «сæрибар равзæрсты тыххæй æфхæрд». Афтæ Гуырдзыстоны ног сæргълæууæг интерпретаци кæны зæронд, раздæр йæ бынаты чи уыдис, уыцы М. Саакашвилийы рæмысæггаг гæдыныхас.
14 сентябры Республикæ Хуссар Ирыстоны Фæсарæйнаг хъуыддæгты министр Санахъоты Давид йæхимæ райста Сырх Дзуары Дунеон Комитеты Цхинвалы офисы хъахъхъæнæг хайады Делегат Чингиз Райимбековы.
Химæрайсты рæстæджы уынаффæ цыдис Сырх Дзуары Дунеон Комитеты архайды фарстаты фæдыл Хуссар Ирыстоны. Æлдар Чингиз Райимбеков Фæсарæйнаг хъуыддæгты министрæн информаци радта фæстаг мæйты йæ организаци Хуссар Ирыстоны цы куыстытæ бакодта, уыдоны тыххæй. Сæ кæрæдзийæн сæ хъуыдытæ загътой, дыууæтæн дæр пайда чи у, къорд ахæм фарстаты тыххæй.
Цхинвал, 2014 азы 24 сентябрь
Республикæ Хуссар Ирыстоны Фæсарæйнаг хъуыддæгты министр Санахъоты Д.Г. Уæрæсейы Федерацийы Фæсарæйнаг хъуыддæгты министрады статс-секретарь-Уæрæсейы Федерацийы Фæсарæйнаг хъуыддæгты министры хæдивæг Г.Б. Карасинимæ телефоны кæй ныхас кодта, уый фæдыл
17 сентябры Республикæ Хуссар Ирыстоны Фæсарæйнаг хъуыддæгты министр Санахъоты Д.Г. телефонæй ныхас кодта Уæрæсейы Фæсарæйнаг хъуыддæгты министрады статс-секретарь- министры хæдивæг Г.Б. Карасинимæ.
16 сентябры Республикæ Хуссар Ирыстоны Уæрæсейы Федерацийы Минæварады уыдис Уæрæсейы æмбæстæгтæй Хуссар Ирыстоны чи цæры, уыдонæн V æрвылазон конференци. Йæ сæйраг темæ уыдис: «Уæрæсейы бирæвекторон гуманитаронполитикæ æввахс фæсарæны æмæ Уæрæсейы хуссарирыстойнаг æмбæстæгтæ».
