Новости

8 сентябры Республикæ Хуссар Ирыстонмæ кусæгон визиты ‘рцыдысты Фæскавказы æдасдзинад æмæ стабилондзинады фæдыл Женевайы дискусситы Æмсæрдæрттæ. Делегаци Цхинвалы фембæлдис Хуссар Ирыстонæй Женевайы дискусситы хайадисджытимæ фæсконфликтон фарстатæ æрбæстон кæныны фæдыл Президенты Æххæстбарджын Минæвар Джиоты М.К. сæргълæудæй.

Фембæлды рæстæджы æруынаффæ кодтой дыууæ кусæгон къордæн æдасдзинад æмæ гуманитарон фарстаты фæдыл Женевайы дискусситы ацы аз 6-7 октябры плангонд чи цæуы, уыцы 33-æм раунды боны фæткыл.

3 сентябры Республикæ Хуссар Ирыстоны официалон делегаци Фæсарæйнаг хъуыддæгты министр Цхуырбаты К.И. сæргълæудæй Хуссар Ирыстонмæ здæхти Тирасполæй, цыран хайад иста Днестргæрон Молдаваг Республикæйы сырæзты 25 азы бæрæгбонон мадзæлтты. Делегацийы уæнгты Кишиневы аэропорты æрурæдтой Молдавийы Республикæйы тыхон уагдæтты минæвæрттæ.

2 сентябры Республикæ Хуссар Ирыстоны Президент Тыбылты Л.Х. йæхимæ райста Днестргæрон Молдаваг Республикæйы делегацийы. Йæ сæргъ лæууыдис ДМР Хицауады Сæрдары хæдивæг, ДМР Хицауады Аппараты къухдариуæггæнæг А.А. Кисничан, кæцы официалон визитимæ уыдис Республикæ Хуссар Ирыстоны.

Фембæлды уыдис Республикæ Хуссар Ирыстоны Фæсарæйнаг хъуыддæгты министры фыццаг хæдивæг Цхуырбаты А.В.

2015 азы 18 марты Республикæ Хуссар Ирыстоны Президент Тыбылты Л.Х. æмæ Уæрæсейы Федерацийы Президент В.В. Путин сæ къухтæ ‘рфыстой Республикæ Хуссар Ирыстоны æмæ Уæрæсейы Федерацийы ‘хсæн æмцæдисад æмæ интеграцийы фæдыл Бадзырдыл.

Бадзырды 14-æм статьямæ гæсгæ уый йæ тыхы бацыдис 2015 азы 30 июлы, кæрæдзимæ ратификацион грамотатæ куы радтой, уæдæй фæстæмæ.

1 сентябры Днестргæрон Молдаваг Республикæйæн официалон визиты фæлгæтты Цхинвалы уыдис Республикæ Хуссар Ирыстоны паддзахадон æмæ æхсæнадон архайджыты Днестргæрон Молдаваг Республикæйы паддзахадон хорзæхтæй схорзæхджын кæныны церемони.

«Дунеон æмкуысткæнынад фидар кæныны тыххæй» майданæй кæй схорзæхджын кодтой, уыдон æхсæн сты: РХИ Фæсарæйнаг хъуыддæгты министрады æттагонполитикон бастдзинæдты фæдыл управленийы хистæр Дзиццойты Т.Ц., РХИ Фæсарæйнаг хъуыддæгты министрады фæсарæйнаг уагдæттимæ куысты фæдыл хистæр Санахъоты А.Г.

2015 азы 1 сентябры Республикæ Хуссар Ирыстоны Фæсарæйнаг хъуыддгты министры фыццаг хæдивæг Цхуырбаты А.В. йæхимæ райста Днестргæрон Молдаваг Республикæйы делегацийы, кæцы Республикæ Хуссар Ирыстоны ис официалон визиты.

Делегацийы сконды, йæ къухдариуæггæнæг ДМР Хицауады Сæрдары хæдивæг, ДМР Хицауады Аппараты къухдариуæггæнæг А.А. Кисничаны сæргълæудæй сты ДМР Æхсæнадон палатайы сæрдар Смирчинский æмæ ДМР Фæсарæйнаг хъуыддæгты Управленийы ХРЦ бæстæты хъуыддæгты фæдыл хистæр А.П. Стецюк. Длегациимæ уыдис РХИ ДМР Официалон Минæварады Сæргълæууæг Коцты Е.Э.

Фæскавказы æдасдзинад æмæ стабилондзинады фарстаты фæдыл дунеон дискусситы 32-æм раунды фæстиуджыты тыххæй

2015 азы 30 июнæй 1 июлмæ Женевайы уагъд цыдис Фæскавказы æдасдзинады фæдыл дунеон дискусситы радон раунд. Уым хайад райстой Республикæ Хуссар Ирыстоны, Республикæ Абхазы, Гуырдзыстоны, Уæрæсейы Федерацийы, АИШ делегацитæ, афтæ ма ЕЦ, БНО æмæ ЕЦÆО минæвæрттæ. Хуссрирыстойнаг делегацийы сæргъ лæууыдис Фæсконфликтон уавæр æрбæстон кæныны фарстаты фæдыл Президенты Æххæстбарджын минæвар Джиоты М.К.

2015 азы 18 августы Республикæ Хуссар Ирыстоны Президент Тыбылты Л.Х. фембæлдис Республикæ Хуссар Ирыстоны Фæсарæйнаг хъуыддæгты министр Цхуырбаты К.И., Уæрæсейы Фдерацийы Республикæ Хуссар Ирыстоны Минæвар Гасситы З.Н.,Абхазы Республикæйы Республикæ Хуссар Ирыстоны МинæварБоциты О.И. æмæ Дзæуæджыхъæуы Консулон агент Санахъоты М.Б.

Фембæлды паддзахады сæргълæууæг банысан кодта, зæгъгæ, Республикæйы дипломатон корпус цы бæстæты ис, уым сæхи хъуамæ равдисой бæрзонд æмвæзадыл, цæмæй фидар æмæ рæзын кæной нæ бæстæты ‘хсæн цы традицион хæлардзинад ис, уый.

2015 азы 17 августы Республикæ Хуссар Ирыстоны Фæсарæйнаг хъуыддæгты министрады фембæлд уыдис Республикæ Хуссар Ирыстоны Фæсарæйнаг хъуыддæгты министр Цхуырбаты Казбулат æмæ Республикæ Абхазы Фæсарæйнаг хъуыддæгты министр Вячеслав Чирикбайæн, кæцы Цхинвалы ис кусæгон балцы.

Фæсарæйнаг хъуыддæгты министры Бардзырдæй Республикæ Хуссар Ирыстоны арæзт æрцыдис Экспертон совет. Советы куысты сæ бон у хайад райсой политологтæн, ахуыргæндтæн, эксперттæ-аналитиктæн æмæ æхсæнадон архайджытæн. Экспертон совет конд уыдзæнис æдзухон уæнгтæй (уыдон уыдзысты Республикæ Хуссар Ирыстоны æмбæстæгтæ), афтæ ма конкретон рабадты теметикæмæ гæсгæ дæр Советмæ хуынд цæудзысты æндæр, уыцы нымæцы фæсарæйнаг эксперттæ дæр.

Республикæ Хуссар Ирыстоны Фæсарæйнаг хъуыддæгты министрады Экспертон совет саразыны сæраппонд Республикæ Хуссар Ирыстоны Фæсарæйнаг хъуыддæгты министр Цхуырбаты К.И. 01.08.2015 азы бардзырдмæ гæсгæ хонæм политологты, ахуыргæндты, экспертты-аналитикты, æхсæнадон архайджыты, цæмæй хайад райсой Экспертон советы куысты æттагон политикæйы актуалон фарстатыл уынаффæ кæныны. Уым хайад райсыны тыххæй бавдыст ист цæуы 2015 азы 10 сентябрмæ ахæм электронон адресыл: mfa-rso@mail.ru кæна телефоны ахæм номыртыл фæдзургæйæ: 8 (929) 804 45 85.

2015 азы 11 августы Уæрæсейы Федерацийы Фæсарæнаг хъуыддæгты министрады уагъд æрцыдысты консулон фарстаты фæдыл консультацитæ Республикæ Хуссар Ирыстоны æмæ Уæрæсейы Федерацийы æттагонполитикон уагдæтты ‘хсæн.