Сообщения МИД РЮО

2013 азы 21 февралы Республикæ Хуссар Ирыстоны Фæсарæйнаг хъуыддæгты министр Санахъоты Д. Г. Мæскуымæ йæ кусæгон балцы рæстæджы фембæлдис Уæрæсейы Федерацийы Фæсарæйнаг хъуыддæгты министры хæдивæг, статс-секретарь Г. Б. Карасинимæ. Фембæлды ма уыдис РХИ Президенты Æххæстбарджын Минæвар Джиоты М. К.

Ныхасы рæстæджы уынаффæ цыдис Уæрæсейы Федераци æмæ Республикæ Хуссар Ирыстоны ‘хсæн дывæрсыг ахастыты актуалон фарстытæ æмæ Фæскавказы æдасдзинад æмæ стабилондзинады фæдыл Женевæйаг дискусситы цы уавæр ис, уыимæ баст фастытæ дæр.

Фæскавказы æдасдзинад æмæ стабилондзинады фæдыл Женевæйы дунеон дискусситы 22-æм раунды тыххæй

2012 азы 12-æм декабры йæ куыст фæци Фæскавказы æдасдзинад æмæ стабилондзинады фæдыл Женевæйы дунеон дискусситы 22-æм радон фембæлд. Хайад дзы райстой Республикæ Хуссар Ирыстон, Республикæ Абхаз, Гуырдзыстон, Уæрæсейы Федераци, АИШ, Европæйы Цæдис, Баиугонд Нациты Организаци æмæ ЕÆÆÆ-йы минæвæрттæ. Хуссарирыстойнаг делегацийы сæргъ лæууыди фæсконфликтон фарстытæ æрбæстон кæныны фæдыл Республикæ Хуссар Ирыстоны Президенты Æххæстбарджын минæвар Джиоты М.К.

Тыбылты Даниел Венесуэлæйы Боливарон Республикæйы Республикæ Хуссар Ирыстоны Уæлвæткон æмæ Æххæстбарджын Минæварæй снысан кæныны тыххæй

Республикæ Хуссар Ирыстоны президент Тыбылты Леониды Указмæ гæсгæ, Тыбылты Даниел Израилы фырт нысан æрцыдис Венесуэлæйы Боливарон Республикæйы Республикæ Хуссар Ирыстоны Уалвæткон æмæ Æххæстбарджын Минæварæй.

Цыбыр биографион зонæнтæ:

Фæсарæйнаг хъуыддæгты министрад 2012 азы йæ архайд дарддæр кодта Республикæ Хуссар Ирыстоны Конституци, æндæр закъæттæ æмæ Республикæйы нормативон-барадон базæмæ гæсгæ. 2012 азы Фæсарæйнаг хъуыддæгты министрады куысты сæйраг фæдыздæхтытæ, куыд раздæр, афтæ, бæлвырд цыдысты Республикæ Хуссар Ирыстоны рæзты стратегийæ, Республикæ Хуссар Ирыстоны Президенты домæнтæм гæсгæ.

22 январы Республикæ Хуссар Ирыстоны Фæсарæйнаг хъуыддæгты министр Санахъоты Дауыт йæхимæ райста Сырх Дзуары Дунеон Комитеты Цхинвалы офисы Сæргълæууæг Лианна Хатчинсы.

Фембæлды рæстæджы уынаффæ цыдис СДДК-йы архайды тыххæй Хуссар Ирыстоны, сæрмагондæй та, 2013 азæн ацы организаци цы проекттæ сплан кодта, уыцы фарстатыл.

Фæсарæйнæг хъуыддæгты министрады сæргълæууæг, æмткæй, æвæрццаг аргъ скодта Сырх Дзуары Дунеон Комитет аивгъуыйгæ азы цы куыст бакодта, уымæн, æмæ загъта дарддæр дæр ахадæн куысты фæндиæгтæ.

Цхинвал, 2012 азы 22 январь

2012 азы 8 августа г.Цхинвал РХИ Фæсарæйнаг хъуыддæгты министрады инициативæйы уагъд æрцыдис тымбыл фынг "Ирон ныхас". Дискуссийы хайад истой ирон общинæты минæвæрттæ Белгийæ, Нидерландтæй, Уæрæсейы Федерацийы регионтæй, Сирийæ, Туркæй, Францæй, Голландийæ, Хуссар Ирыстоны æхсæнадон организациты минæвæрттæ, ирон зонады зынгæ минæвæрттæ. Тымбыл фынгы уынаффæ цыдис 2008 азы августы цаутыл ирон-гуырдзиаг æмахастыты ретроспективæйы. Уымæй дардæр ма ныхасы рацæуджытæ æруынаффæ кодтой ирон диаспорæйы ролыл бæстæйы царды æмæ диаспорæйы проблемæтыл.

2012 азы 28 ноябры Уæрæсейы Федерацийы Хуссар Ирыстоны Минæварады Республикæ Хуссар Ирыстоны Фæсарæйнаг хъуыддæгты министр Санахъоты Дауытæн фембæлд уыди Фæсарæйнаг хъуыддæгты министрады Дипломатон академийы хъусджытимæ æмæ Дунеон ахастыты Мæскуыйы паддзахадон институт (Университет), афтæ ма Уæрæсейы паддзахадон социологион университеты дунеон ахастыты факультетмæ Хуссар Ирыстонæй ахуырмæ ‘рвыст чи рцыд, уыдонимæ.
Фембæлды уыд УФ Республикæ Хуссар Ирыстоны Чрезвычайон æмæ Æххæстбарджын Минæвар Медойты Д.Н.

8 августы Республикæ Хуссар Ирыстоны Фæсарæйнаг хъуыддæгты министр Санахъоты Д.Г. телефонæй ныхас кодта Уæрæсейы Федерацийы Фæсарæйнаг хъуыддæгты министры хæдивæг статс-секретарь Г.Б.Карасинимæ.

2012 азы 8 августы Цхинвалы, Республикæ Хуссар Ирыстоны Фæсарæйнаг хъуыддæгты министрады инициативæйæ уагъд æрцыдис тымбыл фынг «Ирон ныхас». Дзырд цыд Хуссар Ирыстоны ныхмæ Гуырдзыстоны 2008 азы августы хæстон агрессийыл, кæцыйы рæстæджы фæмард сты сæдæгай адæймæгтæ,уыдоны нымæцы дунеон мандатмæ гæсгæ Хуссар Ирыстоны чи уыдысты, Уæрæсейы уыцы фидауынгæнæг тыхтæ дæр. Тымбыл фынгы куысты хайад райстой æввахс æмæ дард фæсарæнты ирон диаспораты минæвæрттæ.

20 ноябры Республикæ Хуссар Ирыстоны кусæгон визитимæ уыдысты фæскавказы æдасдзинад æмæ стабилондзинады фæдыл Женевæйы дискусситы Æмсæрдæртæ. Делегацийы Цхинвалы сæхимæ райстой Республикæ Хуссар Ирыстоны къухдариуæгады минææвæрттæ фæсконфликтон ситуации æрбæстон кæныны фæдыл Республикæ Хуссар Ирыстоны Президенты Æххæстбарджын Минæвар Джиоты М.К. сæргълæудæй.

18 сентяры Республикӕ Хуссар Ирыстоны кусӕгон визитимӕ уыдис Фӕскавказы ӕдасдзинады фӕдыл Женевӕйы дунеон дискусситы Ӕмсӕрдӕртты делегации.

Фембӕлды уынаффӕ цыдис 2012 азы, октябры, чи хъуамӕ уа, Женевӕйы дискусситы уыцы радон раундмӕ бацӕттӕ кӕнынимӕ бастуӕвӕг фарстытыл.