Æртхъирæны мæйы 25-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста тымбыл фынг «Мемориалон дипломати куыд фæссоветон бæстæты адæмы иумæйаг истори бахъахъхъæныны фæрæз»-ы куысты.
Мадзал бацæттæ кодта Тыбылты Алыксандыры номыл Хуссар Ирыстоны Паддзахадон университет (ХИПУ) Цæгат Кавказы Федералон университетимæ иумæ (ЦКФУ).
Æртхъирæны мæйы 23-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Министрады кусджытæ хайад райстой Хуссар Ирыстоны Хъахъхъæнджыты Мемориал æмæ 5-æм скъолайы кæрты Мемориалон уæлмæрдмæ веноктæ æмæ дидинтæ сæвæрыны цытджын церемонийы, кæцы ацыд Фыдыбæстæ Хъахъхъæнæджы боны æмæ Хуссар Ирыстоны Хъахъхъæнынады министрады сырæзтæй 32 азы рацыды цытæн.
2025 азы æртхъирæны мæйы 23-æм бон
Æртхъирæны мæйы 20-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Приднестроваг Молдаваг Республикæйы Фæсарæйнаг хъуыддæгты министрады Дзуаппдæттæн коллегийы рабадты, кæцы ацыд æддагполитикон уагдоны 2024 азы куысты фæдыл.
Мадзалы хайад райстой ПМР-йы Президент В.Н. Красносельский, ПМР-йы Уæлдæр Советы æмæ Хицауады къухдариуæгад, ПМР-йы министрадты æмæ уагдæтты сæргълæуджытæ, Уæрæсейы Федерацийы Минæварады минæвæрттæ, РХИ-йы Официалон Минæварады Сæрдар ПМР-йы æмæ æндæр хайадисджытæ.
Æртхъирæны мæйы 11-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Хуссар Ирыстоны уæвæг Сырх Дзуары Æхсæнадæмон Комитеты (СДÆК) Сæрдар Саид Ассадуллайы æмæ Кавказы æбæрæгæй чи фесæфт, уыдон фарстаты фæдыл СДÆК-ы Минæвар Агнес Котуйы.
Ныхасы рæстæджы æрдзырдæуыд æбæрæгæй фесæфтуæвджыты фæдыл фарстатыл. Нысангонд æрцыд ацы фадыджы куысты ахсджиагдзинад.
Æртхъирæны мæйы 11-æм бон Цхинвалы ацыд Женевæйы æхсæнадæмон дискусситы хуссарирыстойнаг делегацийы хайадисджыты фембæлд Женевæйы дискусситы ЕЦ, ОБСЕ æмæ ИНО-йæ Æмсæрдæрттимæ.
Фембæлды дзырд цыд дыууæ кусæгон къорды – ацы азы тæргæйтты мæйы 4-5 бонтæм снысангонд Дискусситы 63-æм раунды æдасдзинад æмæ гуманитарон проблематикæйы фæдыл.
Хайадисджытӕ сфидар кодтой дискусситы сӕйраг нысан – регионы фидар ӕдасдзинад æмæ стабилондзинад бахъахъхъӕнын.
Дипломатон кусæджы боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ.
Сæрмагондæй, арфæйы дзырдæуы:
«Приднестроваг дипломаттæн сæйрагдæр сты патриотизм, бæрзонд профессионалон культурæ æмæ национ интерестæ. Абоны бон бæстæйы æддагполитикон службæйы кусджытæ æнтысджынæй æххæст кæнынц сæ разы лæууæг хæстæ».
Дипломатон кусæджы боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ.
Сæрмагондæй, арфæйы дзырдæуы:
«Уæрæсейы æддагполитикон службæйы минæвæртты иу кæны бæрзонд профессионализм æмæ паддзахады интерестыл иузæрдиондзинад. Бæстæйы ахсджиагдæр æхсæнадæмон интерестæ хъахъхъæныны хъуыддаджы уæрæсейаг дипломаттæ æвдисынц æгæрон хъæддыхдзинад.
Æртхъирæны мæйы 5-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Аланы.
Ныхасы рæстæджы дыууæ фарс дæр æрдзырдтой хуссарирыстойнаг-абхазаг хæларадон ахастыты ныры уавæр æмæ дарддæры размæдзыды фарстытыл.
2025 азы æртхъирæны мæйы 5-æм бон
Æртхъирæны мæйы 3-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Приднестроваг Молдаваг Республикæйы Фæсарæйнаг хъуыддæгты министр Виталий Игнатьев ныхас кодтой телефонæй.
Ныхасы сæйраг темæ уыд Приднестровьейы энергетикон кризисы фæстиуджытæ фæкъаддæр кæныны фæдыл Республикæ цы къахдзæфтæ аразы, уый.
Джиоты Æхсар Хуссар Ирыстоны Президенты номæй загъта приднестровæгтæн уæнгвидардзинад æмæ зын уавæрæй тагъддæр рахизыны фæндиæгтæ.
Тъæнджы мæйы 31-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Хуссар Ирыстоны уæвæг Приднестроваг Молдаваг Республикæйы Официалон Минæварады сæрдар Плиты Аланы.
Плиты Алан радзырдта гуманитарон кризисы фæдыл Приднестровьейы сæвзæргæ уавæры тыххæй.
Ныхасы рæстæджы дыууæ фарс дæр æрдзырдтой хуссарирыстойнаг-приднестроваг хæларадон ахастыты дарддæры размæдзыды фарстытыл æмæ равдыстой сæ цæттæдзинад конструктивон æмархайд дарддæр кæнынмæ.
2025 азы тъæнджы мæйы 31-æм бон
Республикæ Хуссар Ирыстоны Фæсарæйнаг хъуыддæгты министр Джиоты Æхсар бабæрæг кодта аргъау-мюзикл «Сырх Худ Алæмæты бæстæйы»-йы равдыст, кæцы бацæттæ кодтой Цхинвалы скъола-интернаты хъомылгæнджытæ.
Мадзалы уазджытæ систы Республикæ Хуссар Ирыстоны Президент Гаглойты Алан, министрадты æмæ уагдæтты къухдариуæггæнджытæ, политикон партиты раздзогтæ.
2025 азы тъæнджы мæйы 22-æм бон
Тъæнджы мæйы 10-æм бон Каракасы ацыд Боливариайнаг Республикæ Венесуэлæйы ногæвзæрст Президент Николас Мадуройы инаугурацийы цытджын церемони.
Церемони ацыд Венесуэлæйы Национ Ассамблейы агъуысты. Ногæвзæрст Президент бахордта ард. Мадзалы архайдтой Парламенты уæнгтæ, Хицауады минæвæрттæ æмæ æхсæнад.
Боливариайнаг Республикæ Венесуэлæйы Президент суæвыны фæдыл Николас Мадуройæн раарфæ кодта Республикæ Хуссар Ирыстоны Президент Гаглойты Алан.
Венесуэлæйы президентон æвзæрстытæ ацыдысты 2024 азы сусæны мæйы 28-æм бон. Хъæлæсты фылдæр хай уыд Н. Мадуройæн.
