Майрæмты мæйы 31-æм бон Сухумы Республикæ Хуссар Ирыстоны делегаци Фæсарæйнаг хъуыддæгты министр Джиоты Æхсар, Парламенты Æддагон политикæ æмæ æхсæнпарламентон бастдзинæдты комитеты Сæрдар Дриаты Заза, ФХъМ-йы фæсарæйнаг уагдæттимæ куысты фæдыл хайады сæрдар Санахъоты Алексей хайад райстой Республикæ Хуссар Ирыстоны Уæлвæткон æмæ Æххæстбарджын Минæвар Абхазы Боциты Олегæн фæстаг хæрзбон зæгъыны охыл хъынцъымы церемонийы.
Майрæмты мæйы 29-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Хуссар Ирыстоны Фæсарæйнаг хъуыддæгты министрады Минæвар Италийы Мауро Мурджайы æмæ Ассоциаци «Венето-Уæрæсе»-йы Сæрдар Палмарино Дзоккателлийы, кæдон æрцыдысты Цхинвалмæ кусæгон балцы.
Ныхасы рæстæджы æрдзырдæуыд гуманитарон æмæ культурон æмгуыстад уæрæх кæныны фарстатыл.
2025 азы майрæмты мæйы 29-æм бон
Республикæ Хуссар Ирыстоны Фæсарæйнаг хъуыддæгты министрад хъыгзæрдæйæ хъусын кæны Республикæ Хуссар Ирыстоны Уæлвæткон æмæ Æххæстбарджын Минæвар Республикæ Абхазы Боциты Ильяйы фырт Олегы æнæрæстæджы цардæй ахицæны охыл.
Боциты Ильяйы фырт Олег райгуырд 1954 азы тæргæйтты мæйы 26-æм бон Абхазаг АССР-ы г. Ткварчалы. 1976 азы фæцис Харьковы паддзахадон университет. Куыста Республикæ Абхазы алыхуызон бынæтты, æппæты зындæр рæстæджыты абхазаг адæмимæ иумæ тох кодта Апсныйы сæрибар æмæ хæдбардзинады сæрыл.
Майрæмты мæйы 26-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар пресс-центр Sputnik Хуссар Ирыстоны хайад райста видеомост «Цхинвал-Сухум-Мæскуы»-йы куысты, кæцы ацыд Уæрæсейы 'рдыгæй Хуссар Ирыстон æмæ Абхазы Хæдбардзинад банымайыны боны цытæн.
Видеомосты хайад райстой: Сухумы – Уæрæсейы Уæлвæткон æмæ Æххæстбарджын Минæвар Михаил Шургалин; Мæскуыйы – Уæрæсейы Уæвæг Абхазы Минæварады Минæвар Кан Тания.
Майрæмты мæйы 26-æм бон нысан цæуы Уæрæсейы Федерацийы 'рдыгæй Республикæ Хуссар Ирыстоны хæдбардзинады банымадæй æвддæс азы рацыды бæрæгбон.
Хуссар Ирыстоны адæм бирæ азты дæргъы фæтох кодтой сæ хæдбардзинадыл. Бирæ зындзинæдтæ, цæлхдуртимæ æмбæлдысты, уыдоны ‘хсæн 2008 азы майрæмты мæйы Хуссар Ирыстоны ныхмæ Гуырдзыстоны хæстон агресси, кæцы арæзт æрцыд ныгуылæны бæстæты æппæтварсон æххуысæй. Ацы цаутæ æркодтой регионы ног геополитикон реалиты сырæзтмæ.
Майрæмты мæйы 25-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Тымбыл фынг «Республикæ Хуссар Ирыстон Уæрæсейы Федерацийы ‘рдыгæй хæдбардзинады банымады размæ æмæ уый фæстæ»-йы куысты, кæцы Уæрæсейы Федерацийы 'рдыгæй Республикæ Хуссар Ирыстоны хæдбардзинады банымадæй 17 азы рацыды бæрæгбоны фæлгæтты сорганизаци кодта РПП «Иудзинад».
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Федералон Æмбырды Федерацийы Советы Æхсæнадæмон хъуыддæгты комитеты Сæрдар Григорий Карасинмæ Райгуырæн боны цытæн.
Сæрмагондæй, арфæйы дзырдæуы:
«Де стыр профессионализм æмæ хисæрмагонд миниуджытæ нысан кæнгæйæ, фæнды мæ уæлдай тынг бахахх кæнын Уæрæсейы интерестæ хъахъхъæнын, уæрæсейаг-хуссарирыстойнаг политикон æмæ дипломатон ахастыты размæдзыды хъуыддагмæ дæ хайбавæрд.
Нæ хъус æрдардтам ИНО-йы Æдасдзинады Советы кæцыдæр бæстæтæ-уæнгты минæвæртты фидиуæнмæ, кæцы загъд æрцыд 2008 азы майрæмты мæйы цаутæй 17 азы рацыды охыл рабадты.
Хуссар Ирыстонæн трагикон бонты «Гуырдзыстоны хæлæртты» радон фидиуæны дзырдæуы «аннекси», афтæ хуыйнæг Гуырдзыстоны территориалон иудзинад æмæ уæрæсейы гæрзифтонг тыхты æнæзакъонæй уæвынады фæдыл.
Республикæ Хуссар Ирыстоны Фæсарæйнаг хъуыддæгты министр Джиоты Æхсар Райгуырæн боны цытæн арвыста арфæйы фыстæг Боливариайнаг Республикæ Венесуэлæйы Фæсарæйнаг хъуыддæгты министр Иван Хиль Пинтомæ.
Сæрмагондæй, арфæйы дзырдæуы:
«Фæлтæрд дипломат æмæ политик уæвгæйæ, бирæ азты дæргъы дæ зонындзинæдтæ ахъаз сты Венесуэлæ æмæ йæ адæмы национ интерестæ хъахъхъæныны хъуыддагæн. Де стыр профессионализм, дæ адæм æмæ сæ историмæ цыт бæрæг у бæстæйы æддагполитикон уагдоны раз лæууæг хæстæ куыд бæрнонæй æххæст кæныс, уымæй».
Майрæмты мæйы 14-æм бон, 1992-1993 азты Абхазы адæмы Фыдыбæстæйон хæсты охыл Цхинвалы Сыгъдæг Мады Майрæмы Райгуырды аргъуан æмæ Сыгъдæг Æртæиуоны аргъуаны ацыдысты фæмард Фыдыбæстæ хъахъхъæнджытæ æмæ цæрджыты рухс нæмттыл службæтæ. Хайад дзы райстой Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Алан.
2025 азы майрæмты мæйы 14-æм бон
Фыдыбæстæ хъахъхъæнджыты Мысæн боны охыл Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста нотæ Республикæ Абхазы Фæсарæйнаг хъуыддæгты министр О.М. Барцицмæ.
Сæрмагондæй, нотæйы дзырдæуы:
«33 азы размæ абхазаг адæмы бахъуыд гуырдзиаг фашизмы ныхмæ тугкалæн тохы слæууын. Æгъатыр хæстон архайдтыты фæстиуæгæн фæмард сты Абхазы мингай æнаххос цæрджытæ, пырхæнтæ фестадысты культурон æмæ историон цыртдзæвæнтæ.
Майрæмты мæйы 8-æм бон, Гуырдзыстоны ‘рдыгæй Хуссар Ирыстоны ныхмæ хæстон агрессийæ æвддæс азы рацыды охыл мысæн мадзæлттæ ацыдысты Республикæйы æдде дæр.
Мæскуыйы Ирвæзынгæнæг Чырыстийы Аргъуаны ссардтой гуырдзиаг агрессийы рæстæджы фæмардуæвæг Хуссар Ирыстоны цæрджыты рухс нæмттæ, афтæмæй ма Цхинвалы хъахъхъæнджыты, ирон æмæ уæрæсейаг Фидауынгæнæг тыхты хæстонты, уæрæсейаг æфсады солдаттæ æмæ офицерты рухс нæмттæ, кæцытæ сæ царды аргъæй хъахъхъæдтой Хуссар Ирыстоны.
