Хурхæтæны мæйы 4-æм бон Республикæ Хуссар Ирыстоны Фæсарæйнаг хъуыддæгты министрады Æвзонг дипломатты советы Сæргълæууæджы Хæдивæг Коцты Зарина хайад райста æхсæнадæмон зонадон-практикон конференци «Тарлевские чтения. К новой архитектуре многополярного мира»-йы, кæцы ацыд Уæрæсейы ФХъМ-йы Дипломатон академийы Мæскуыйы.
Конференцийы рæстæджы сæ хъуыдытæ загътой дипломаттæ, Дипломатон академи æмæ æндæр ахуыргæнæндæтты, Уæрæсе æмæ хæларадон бæстæты зонадон-иртасæн институтты профессортæ, зонадон кусджытæ.
Коцты Заринайы доклад «Ресурс цифровой дипломатии в условиях новых вызовов: опыт Южной Осетии» рæгъмæ рахастæуыд Секци №4 Æхсæнадæмон ахастыты фæдыл зонад: регионтæй цæстæнгас. Темæ цымыдисдзинад сæвзæрын кодта конференцийы хайадисджытæм.
Конференцийы уыд пленарон рабадт æмæ 14 тематикон сессийы, кæцыты фæлгæтты зонадон æгъдауæй æрдзырдæуыд æхсæнадæмон ахастытæ æмæ дунейы ног арæзтады фарстатыл.
2025 азы хурхæтæны мæйы 9-æм бон