Хурхæтæны мæйы 22-æм бон Беларусы нысан кæнынц Стыр Фыдыбæстæйон хæст æмæ белорусаг адæмы геноциды амæттæгты Æппæтадæмон мысæн бон. Ацы бон Беларусы мысынц сæ цард чи радта Фыдыбæстæйы сæрвæлтау, æппæт уыдоны.
Горæт Бресты цæуæг мадзæлтты хайад райста РХИ-йы ФХъМ-йы делегаци. Министр Джиоты Æхсар бабæрæг кодта мемориалон комплекс «Бресты гæнах-хъайтар», цыран ацыд патриотон митинг-реквием «Дæргъвæтин фæндаджы 4 азы...». Мадзалы ма хайад райстой Республикæ Беларусы Президенты Администрацийы Сæргълæууæг Д. Крутой, Æмцæдисон Паддзахады Паддзахадон Секретарь С. Глазьев, Беларус æмæ Уæрæсейы официалон минæвæрттæ, УФ-йы кæцыдæр субъектты сæргълæуджытæ, Бресты æхсæнадон организациты минæвæрттæ, цæрджытæ æмæ уазджытæ.
Мадзалмæ хуынд æрцыдысты уæрæсейаг æмæ белорусаг зарæггæнджытæ: Любэ, Зара, Денис Майданов æмæ æндæртæ.
Афтæмæй ма делегаци уыд Бресты гæнахы территорийыл хæстон-историон реконструкцийы.
Иу бон раздæр Музей-комплекс «Бресты гæнах-хъайтар»-ы ацыд советон арæнхъахъхъæнджыты номыл мысæн монумент бакæныны церемони.
Стыр Фыдыбæстæйон хæсты охыл «Зæрдылдарæн Поезд» æрбахæццæ ис Бресты æфсæнвæндагон вокзалмæ. Поезд æрзилдзæн Уæрæсе æмæ Беларусы ахсджиаг бынæттыл. Акцийы хайадисджытæ систы раздæры Советон Цæдисы бæстæтæй скъоладзаутæ, се ‘хсæн Хуссар Ирыстонæй дæр.
2025 азы хурхæтæны мæйы 22-æм бон