Республикæ Хуссар Ирыстоны Фæсарæйнаг хъуыддæгты министр Джиоты Æхсар Райгуырæн боны цытæн арвыста арфæйы фыстæг Боливариайнаг Республикæ Венесуэлæйы Фæсарæйнаг хъуыддæгты министр Иван Хиль Пинтомæ.
Сæрмагондæй, арфæйы дзырдæуы:
«Фæлтæрд дипломат æмæ политик уæвгæйæ, бирæ азты дæргъы дæ зонындзинæдтæ ахъаз сты Венесуэлæ æмæ йæ адæмы национ интерестæ хъахъхъæныны хъуыддагæн. Де стыр профессионализм, дæ адæм æмæ сæ историмæ цыт бæрæг у бæстæйы æддагполитикон уагдоны раз лæууæг хæстæ куыд бæрнонæй æххæст кæныс, уымæй».
Афтæмæй ма Джиоты Æхсар загъта Иван Хильæн фидар æнæниздзинад, амонд æмæ фæрныгады фæндиæгтæ, дарддæры æнтыстытæ бæрнон паддзахадон куысты Венесуэлæйы адæмы хæрзиуæгæн.