Майрæмты мæйы 31-æм бон Сухумы Республикæ Хуссар Ирыстоны делегаци Фæсарæйнаг хъуыддæгты министр Джиоты Æхсар, Парламенты Æддагон политикæ æмæ æхсæнпарламентон бастдзинæдты комитеты Сæрдар Дриаты Заза, ФХъМ-йы фæсарæйнаг уагдæттимæ куысты фæдыл хайады сæрдар Санахъоты Алексей хайад райстой Республикæ Хуссар Ирыстоны Уæлвæткон æмæ Æххæстбарджын Минæвар Абхазы Боциты Олегæн фæстаг хæрзбон зæгъыны охыл хъынцъымы церемонийы.
Боциты Олегæн фæстаг хатт хæрзбон зæгъынмæ æрбацыдысты Абхазы Президент Бадра Гунба, Уæрæсейы Уæлвæткон æмæ Æххæстбарджын Минæвар Абхазы Михаил Шургалин, Абхазы Вице-президент Беслан Бигвава, Абхазы Премьер-министр Владимир Делба, Абхазы Президенты Администрацийы Къухдариуæггæнæг Беслан Эшба, Абхазы Фæсарæйнаг хъуыддæгты министры Хæдивæг Одиссей Бигвава æмæ Министрады кусджытæ, Абхазы Хицауады уæнгтæ, Хуссар Ирыстоны Бархионты Цæдисы сæргълæууæг Санахъоты Морис, Сочийы ирон диаспорæ, æхсæнады минæвæрттæ, æмгæрттæ æмæ коллегæтæ.
Хуссар Ирыстоны делегаци Президент Гаглойты Аланы номæй тæфæрфæс ракодта Боциты Олегы хиуæттæ æмæ æввахс адæмæн.
2025 азы майрæмты мæйы 31-æм бон