Женевæйы кæфты мæйы 8-æм бон Адæймаджы барты фæдыл ИНО-йы Совет райста афтæ хуыйнæг Гуырдзыстоны оккупацигонд территоритыл резолюци – «Гуырдзыстонимæ Æмгуыстад», æмæ радон хатт равдыста йæ «политикон цухдзинад».
Хъыгагæн, кæддæр номдзыд æхсæнадæмон орган, йæ традицитæ æмæ уагæвæрды принципты сæрты ахизгæйæ, бынтондæр фесæфта рæстдзинад æмæ профессионализм.
Ацы резолюцийы фарсхæцджытæ «тыхсынц, Уæрæсейы 'рдыгæй Абхаз æмæ Цхинвалы цы регионтæ сты оккупацигонд, уым кæй цæуы гуырдзиаг адæмы дискриминаци». Женевæйы Нациты Галуаны ахæм сыдывд фидиуæнтæ рæгъмæ хæсгæйæ, нæдæр саккаг кодтой сæдæгай ирон æмæ абхазаг амæттæгты рухс ном ссарын, кæцытæ фæмард æмæ фæсахъат сты гуырдзиаг фыдгæнджыты къухæй.
Ногæй та зæрдыл лæууын кæнæм, агрессор кæй у Гуырдзыстон æмæ йæ агрессорыл кæй банымадта швейцариаг дипломат Х.Тальявинийы сæргълæудæй ЕЦ-йы æхсæнадæмон къамис. Фæлæ уый тыххæй Нациты Галуан æмæ æндæр æхсæнадæмон фæзуатты дзурд нæ цæуы.
Республикæ Хуссар Ирыстон æмæ Республикæ Абхазы уæвæг æцæгдзинадæн саргъ кæныны хъуыддаджы дывæр стандарттæ, сæвзæргæ геополитикон уавæрыл цæстытæ æхгæнын æмæ Уæрæсейы «оккупацийы» аххосджын кæнын радон хатт æвдисынц, Хуссар Ирыстон æмæ Абхаз кæй рахастой раст уынаффæтæ, цæмæй сæхæдæг сæ хъысмæт скъуыддзаг кæной, паддзахаддзинад аразой, хæларадон бæстæтæ æмæ адæмимæ æмгуыстад размæ кæной.
2025 азы кæфты мæйы 9-æм бон