Адæмон иудзинады боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ.
Сæрмагондæй, арфæйы дзырдæуы:
«Уæрæсейы бирæнацион адæм кæддæриддæр зындгонд уыдысты хъæбатырдзинад, æнгомдзинад æмæ иудзинадæй, кæдон фæрцы хызтысты æппæты зындæр цæлхдурты сæрты. Æмæ абон, бирæ фæлтæрты сгуыхтдзинад зæрдыл даргæйæ, Уырыссаг дунейы минæвæрттæ, алыхуызон диныл хæст адæм æрбангом сты, слæууыдысты фæрсæй фæрстæм, цæмæй хъахъхъæной сабырад, хæлардзинад æмæ рæстдзинад».
Адæмон иудзинады боны фæдыл ма Джиоты А.М. арвыста арфæйы фыстæг Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны М.М. Кулахметовмæ.