Джеоргуыбайы мæйы 17-æм бон гуырдзиаг дзыллон информацион фæрæзтæ апарахат кодтой Гуырдзыстоны парламенты сæрдар Ш. Папуашвили æмæ Тбилисы мэр К. Каладзейы Хуссар Ирыстоны афтæ хуыйнæг рæстæгмæ администраци суæгъд кæныны фæдыл комментаритæ.
Сæрмагондæй, гуырдзиаг парламенты сæрдар Папуашвили йæ раныхасы æппæрццагæй саргъ кодта 2006 азы Тбилисы дæлбар уæвæг Хуссар Ирыстоны территоритыл ацæугæ æвзæрстытæн, æмæ банысан кодта, уымæй гуырдзиаг хицауад кæй ратта «легитимондзинад сепаратистон процесстæн», уый рацыд Гуырдзыстоны «паддзахадон интересты» ныхмæ.
Тбилисы мэр К. Каладзе ацы темæйыл дзургæйæ, радон хатт банысан кодта «уæрæсейаг оккупацийы» фæдыл.
Рæстæг куыд уынын кæны, афтæмæй Хуссар Ирыстоны 'рдæм гуырдзиаг къухдариуæгады архайдтытæ æмæ фидиуæнтæ нæ ивынц. Фæстаг азты Тбилисæй цæуæг цавæрдæр сабырадон здæхтмæ нæкæсгæйæ, ногæй та уынæм, официалон æгъдауæй пайда кæй цæуынц Гамсахурдия æмæ Саакашвилийы рæстæджытæй деструктивон терминологийæ, «уæрæсейаг оккупацийы» аххосджын кæнынадæй æмæ афтæ дарддæр.
Бæрæг у, æмæ ацы уавæр комкоммæ æвдисы Гуырдзыстоны мидполитикон карз тох. Уымæ нæкæсгæйæ, радон хатт сидæм гуырдзиаг хицауадмæ, цæмæй 2008 азы фæстæ сæвзæргæ политикон æцæгдзинад куыд у, афтæмæй райсой. Гуырдзыстон куы сразы уа уæвæг геополитикон уавæрыл, уæд уый ахъаз уыдзæн регионы стабилондзинад æмæ сабырадон райрæзтæн.
2025 азы джеоргуыбайы мæйы 17-æм бон