Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметовмæ Уæрæсейы Федерацийы Конституцийы боны цытæн.
Сæрмагондæй, арфæйы дзырдæуы:
«1993 азы цыппурсы мæйы 12-æм боны ист Уæрæсейы Бындурон закъон ссис æмбæстагон сабырдзинады гарант, бæстæйы демократон размæдзыды, æддагон æмæ мидполитикæйы фидаркæнынады бындур.
Конституцийы сфидаргонд уагæвæрдтæ сты бæстæйы æнтысджын размæдзыды ахсджиаг иуæг, кæцыты фæрцы реализаци цæуынц закъондæттæг нормæтæ æмæ ис æппæт фадæттæ уæрæсейаг бирæнацион æхсæнады аккаг цард аразынæн».