Зæрдæвæрæны мæйы 21-22 бонты Республикæ Хуссар Ирыстоны Фæсарæйнаг хъуыддæгты министры Уынаффæгæнæг Коцты Заринæ Парти «Иугонд Уæрæсе»-йы Уæлдæр советы Бюройы уæнг Андрей Климовы хуындæй хайад райста Евразиаг æдасдзинады фæдыл дыккаг дунеон æхсæнадон-политикон форумы, кæцы ацыд Пермы.
Секци «Евразиаг æмгуыстады ног архитектурæ арæзтады политикон-барадон фарстатæ»-йы фæлгæтты Коцты Заринæ рæгъмæ рахаста доклад ахæм темæимæ: «2008 азы майрæмты мæйы фæстæ Хуссар Ирыстонæн æдасдзинады стратегион архитектурæ арæзтады политикон-барадон фарстатæ».
Форумы сæйраг цау ссис Уæрæсейы Федерацийы Фæсарæйнаг хъуыддæгты министр Сергей Лавровы раныхас, кæцы йæ доклады æрдзырдта евразиаг æмархайды сæйраг здæхтытыл. Афтæмæй ма банысан кодта, æхсæнадæмон æдасдзинады системæйы ивындзинæдты уавæрты сæйраг кæй у æмдыхæй архайд.
Мадзал æрбангом кодта парламентариты, дипломатты, æдасдзинады фæдыл экспертты æмæ æхсæнадæмон организациты минæвæртты.
2026 азы зæрдæвæрæны мæйы 27-æм бон