Республикæ Никарагуайы Хæдбардзинады боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Никарагуайы Фæсарæйнаг хъуыддæгты Соминистртæ Денис Монкада Колиндрес æмæ Вальдрак Людвинг Джентске Уитакермæ.
Сæрмагондæй, арфæйы дзырдæуы:
«1821 азы рухæны мæйы 15-æм бон Никарагуайы хъæбатыр адæм равзæрстой сæ сæрибар æмæ хæдбардзинады фæндаг, кæцы бындуриуæг кæны хъæздыг истори, иудзинады æмæ рæстдзинады сæрыл хъайтарон тохыл. Куыд дыууæ сæдæ азы размæ, афтæ ныр дæр ацы бон æвдисы сабырад æмæ суверенитеты принциптыл иузæрдыгдзинад. Уый никарагуайы адæмы ног фæлтæртæн у ирд дæнцæг.
Хуссар Ирыстоны адæм зонынц сæрибардзинад æмæ хæдбардзинады аргъ, уый фæдыл стыр бузныг сты, Республикæ Никарагуа зын хæстон рæстæджыты кæй æрбалæууыд сæ фарсмæ æмæ кæй фæдаргъ кодта æххуысы къух.
Фидарæй мæ уырны, æмæ Никарагуа дарддæр дæр æнтысджынæй кæй размæ кæндзæн йæ экономикæ æмæ политикæ, æмæ æхсæнадæмон аренæйы та – фидарæй хъахъхъæндзæн йæ национ интерестæ».
Республикæ Никарагуайы Хæдбардзинады боны цытæн ма Джиоты Æхсар арвыста арфæйы фыстæг Республикæ Никарагуайы Уæлвæткон æмæ Æххæстбарджын Минæвар Республикæ Хуссар Ирыстоны Альба Асусена Торрес Мехиямæ.