Сообщения МИД РЮО

Кæфты мæйы 5-æм бон Республикæ Хуссар Ирыстоны Фæсарæйнаг хъуыддæгты министрады ацыд Республикæ Хуссар Ирыстоны Фӕсарӕйнаг хъуыддӕгты министры х.æ. Джиоты Ӕхсары ӕмӕ Республикæ Хуссар Ирыстоны Уӕлвӕткон ӕмӕ Ӕххӕстбарджын Минӕвар Республикӕ Никарагуа ӕмӕ Боливариайнаг Республикӕ Венесуэлӕйы Козаты Наримы фембӕлд. 

Ныхасы рæстæджы сæйраг хъусдард аздæхтæуыд Никарагуа æмæ Венесуэлæимæ дипломатон æмархайд æмæ æмгуыстад уæрæх кæнынмæ. 

Фембæлды фæстиуæгæн нысангонд æрцыдысты æддагполитикон хæстæ скъуыддзаг кæныны фæдыл дипмиссийы дарддæры куысты пълæнттæ. 

Кæфты мæйы 1-æм бон Мæскуыйы ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсар, Уæрæсейы Федерацийы Фæсарæйнаг хъуыддæгты министр Сергей Лавров æмæ Республикæ Абхазы Фæсарæйнаг хъуыддæгты министр Олег Барцицы æртæфарсон фембæлд.

Æртæфарсон фембæлды рæстæджы министртæ æрдзырдтой æхсæнадæмон æмæ регионалон фарстатыл, банысан кодтой Фæскавказы Æхсæнадæмон дискусситы иумæйаг архайды координацийы ахсджиагдзинад. Афтæмæй ма хъуыдытæ загъдæуыд уый фæдыл, цæмæй Цхинвал, Сухум æмæ Тбилисы 'хсæн уа комкоммæ диалог. 

Кæфты мæйы 1-æм бон Мæскуыйы ацыд Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсары æмæ Уæрæсейы Федерацийы Фæсарæйнаг хъуыддæгты министр Сергей Лавровы фембæлд.

Ныхасы рæстæджы æддагполитикон уагдæтты сæрдæрттæ æрдзырдтой дывæрсон æмархайды актуалон фарстатæ, æддагон политикæйы дарддæры координаци, афтæмæй ма регионалон æмæ æхсæнадæмон æмгуыстады ахсджиаг здæхтытыл, се 'хсæн Фæскавказы Æдасдзинад æмæ стабилондзинады фарстаты фæдыл æхсæнадæмон дискусситы хайадист.

Рухæны мæйы 29-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Никарагуайы Фæсарæйнаг хъуыддæгты министр Вальдрак Людвинг Джентске Уитакеры, кæцы делегацийы сæргъ æрцыд Цхинвалмæ, цæмæй хайад райса Республикæ Хуссар Ирыстоны Президент Хъамболты Мараты инаугурацийы церемонийы.

Рухæны мæйы 29-æм бон ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсар фембæлд Боливариайнаг Республикæ Венесуэлæйы Уæлвæткон æмæ Æххæстбарджын Минæвар Уæрæсейы Федерацийы Хесус Рафаэль Саласар Веласкесимæ, кæцы æрцыд Цхинвалмæ, цæмæй хайад райса Хъамболты Мараты Республикæ Хуссар Ирыстоны ног Президент суæвыны официалон церемонийы.

Фембæлды ма хайад райстой Республикæ Хуссар Ирыстоны Фæсарæйнаг хъуыддæгты министры Фыццаг хæдивæг Цхуырбаты А.В. æмæ РХИ-йы ФХъМ-йы Фæсарæйнаг уагдæттимæ куысты фæдыл хайады сæрдар Санахъоты А.Г.

Рухæны мæйы 23-æм бон Мæскуыйы ацыд Республикæ Хуссар Ирыстоны Президенты Паддзахадон уынаффæгæнæг Коцты Константины фембæлд, кæцы лæууы Фæскавказы Æдасдзинад æмæ стабилондзинады фæдыл æхсæнадæмон дискусситы хуссарирыстойнаг делегацийы сæргъ, Уæрæсейы Федерацийы Фæсарæйнаг хъуыддæгты министры хæдивæг Михаил Галузин æмæ Республикæ Абхазы Фæсарæйнаг хъуыддæгты министр Олег Барцицимæ.

Рухæны мæйы 18-20-æм бонты Уæрæсейы Федерацийы Паддзахадон Думæмæ фарастæм æрсидты æвзæрстыты хайад райстой Уæрæсейы æмбæстæгтæй Республикæ Хуссар Ирыстоны чи цæры, науæд хъæлæс кæныны бон йæ территорийыл чи уыд, уыдон дæр.

Хуссар Ирыстоны баконд ис иуæндæс æвзарæн фадыджы. Хъæлæс кæныны процесс сорганизаци кодта Уæрæсейы Федерацийы Минæварад Хуссар Ирыстоны.

Æвзарджыты фылдæр хай сæ хъæлæстæ радтой парти «Иугонд Уæрæсе»-йæн (67,6%), УФКП (10,6%), УЛДП (5%), парти «Ног адæм» (3,2%) æмæ парти «Уæрæсейы Коммунисттæ»-йæн та (2,1%).

Абон Хуссар Ирыстоны нысан цæуы ахсджиаг бон – Республикæ расидынæй рацыд 36 азы.

Нæ суверенон паддзахаддзинады бындур æрæвæрдæуыд рухæны мæйы 20-æм бон, уæд Хуссар Ирыстоны автономон облæсты адæмон депутатты совет райста Паддзахадон суверенитеты фæдыл Деклараци, кæцымæ гæсгæ расидтæуыд Хуссар Ирыстоны Советон Демократион Республикæ Советон Цæдисы сконды. Зын историон рæстæджы æрмæстдæр ацы уынаффæйæ уыд гæнæн нæ адæмы бахъахъхъæнын. Ацы къахдзæф бындуриуæг кодта уæды рæстæджы барадон нормæтæ æмæ æхсæнадæмон барады бындурон принциптыл.

Рухæны мæйы 18-æм бон Республикæ Хуссар Ирыстоны ацыдысты Республикæ Хуссар Ирыстоны Президенты æмгъуыдагъоммæ æвзæрстытæ. 

Æвзæрстытæ ацыдысты Республикæ Хуссар Ирыстоны закъондæттынад æмæ æхсæнадæмон нормæты бындурыл. Хъæлæскæнынад цыд 75 æвзарæн фадыджы, уыдонæй 5 – Республикæйы æдде. 

15 бæстæйæ 60 æхсæнадæмон цæстдарæджы иумæйаг хатдзæгмæ гæсгæ, Республикæ Хуссар Ирыстоны æвзæрстытæ дзуапп дæттой æппæт æвзарæн стандарттæ æмæ демократион принциптæн, уагъд æрцыдысты сабыр уавæрты, æвзарджыты активон хайадистимæ. 

Рухæны мæйы 19-æм бон Республикæ Хуссар Ирыстон нысан кæны суверенитет, хæдбардзинад, хъæздыг культурон хæзнаты ахсджиагдæр символтæй иу – Паддзахадон тырысайы бон. 

Фæзынд национ-ссæрибаргæнæн змæлды фæстиуæгæн 1989 азы æмæ æвдисы нæ адæмы хъæддыхдзинад æмæ æнæбасæтгæ æнгомдзинад. 

Хуссар Ирыстоны паддзахадон тырыса конд у æртæ хуызæй – урс, сырх æмæ бурæй. Нысан кæнынц дунеон æмæ социалон гармони, иу кæнынц Ирыстоны хъайтарон фыдæлты сыгъдæг ном æмæ рухс фидæнмæ тырнынад.

2026 азы рухæны мæйы 19-æм бон

Рухæны мæйы 13-15 бонты Екатеринбурджы Фæсивæды глобалон форумы фæлгæтты ацыд Æвзонг дипломатты IX Глобалон форум (ÆДГФ). Мадзалы хайад истой Республикæ Хуссар Ирыстоны Фæсарæйнаг хъуыддæгты министрады кусджытæ – РХИ-йы ФХъМ-йы Æвзонг дипломатты советы Сæрдар Гаглойты Иосиф æмæ РХИ-йы ФХъМ-йы ÆДС-йы Президиумы уæнг Дзахойты Вадим.

2008 азы рухæны мæйы 17-æм бон Хуссар Ирыстон æмæ Уæрæсейы Президенттæ бафыстой Хæларад, æмгуыстад æмæ иумæйаг æххуысы фæдыл бадзырд, кæцыйæ райдыдта ахастыты ног размæдзыды рæстæг. 

Ацы бадзырд бындур æрæвæрдта дыууæ бæстæйы æхсæнпаддзахадон бастдзинæдты нырыккон æмвæзадæн, уавæртæ сарæзта дывæрсон диалог æмæ æмгуыстады райрæзтæн.