Æртхъирæны мæйы 4-æм бон Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар райста йæхимæ Республикæ Хуссар Ирыстоны уæвæг Сырх Дзуары Æхсæнадæмон Комитеты (СДÆК) Сæрдар Саид Ассадуллайы æмæ РХИ-йы уæвæг СДÆК-ы Минæварады Æдасдзинады хайады сæрдар Марко Дошлякы.
Ныхасы рæстæджы æрдзырдæуыд Хуссар Ирыстоны уæвæг СДÆК-ы Минæварады гуманитарон проекттимæ баст практикон фарстатыл, афтæмæй ма хъуыдытæ загъдæуыд æмгуыстады актуалон здæхтытыл.
Æртхъирæны мæйы 3-æм бон Мæскуыйы ацыд Республикæ Хуссар Ирыстоны Президенты Паддзахадон уынаффæгæнæг, Фæскавказы Æдасдзинад æмæ стабилондзинады фæдыл Æхсæнадæмон дискусситы хуссарирыстойнаг делегацийы сæргълæууæг Коцты Константины фембæлд Уæрæсейы Федерацийы Фæсарæйнаг хъуыддæгты министры Хæдивæг Михаил Галузин æмæ Республикæ Абхазы Фæсарæйнаг хъуыддæгты министр Олег Барцицимæ.
Турчы ирæтты æхсæнад «Алан» дыккаг хатт ауагъта ирон хæринæгтæ аразыны курсытæ. Курсыты хайадисджыты ахуыр кодтой Турчы цæрæг ирон чызджытæ; æрбацæуын æмæ хайад райсын уыд алкæй бон дæр. Фыццаг къорд арæзтой уæлибыхтæ, дыккаг та – хъæбынтæ.
«Æнæдызæрдыгæй, тынг ахсджиаг у бæрæгбонтæ æмæ культурон мадзæлттæ аразын. Фæлæ мах Турчы ирæтты æхсæнад «Алан»-ы нымайæм, ахæм зонындзинæдтæ дарддæр дæттын ахсджиаг кæй у культурæ æмæ традицитæ бахъахъхъæнынæн», – банысан кодта Турчы ирæтты æхсæнад «Алан»-ы Сæрдар Хъусаты Садреттин.
Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар бабæрæг кодта аргъау-мюзикл «Круто ты попал в сказку к нам»-ы ногазон равдыст, кæцы бацæттæ кодтой Цхинвалы скъола-интернаты ахуырдзаутæ.
Скъола-интернаты директор Сланты Эллæ раарфæ кодта алкæмæндæр хæрзаудæн архайды тыххæй æмæ йæ зæрдæ загъта амонд, хæлардзинад æмæ æнтыстыты фæндиæгтæ æрцæугæ азы.
2026 азы тъæнджы мæйы 23-æм бон
Тъæнджы мæйы 21-æм бон «Sputnik Хуссар Ирыстон»-ы пресс-центры ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары пресс-конференци, кæцыйы сæйраг здæхт уыд Республикæ Хуссар Ирыстон æмæ Уæрæсейы Федерацийы 'хсæн паддзахадон арæны сæрты 14 азы кары онг æмбæстæгты ахизыны ног фæтктæ. Уыдонмæ гæсгæ, 2026 азы тъæнджы мæйы 26-æм бонæй фæстæмæ райгуырды тыххæй æвдисæндарæй нал ис уæрæсейаг паддзахадон арæны сæрты хизыны бар.
Тъæнджы мæйы 19-æм бон Республикæ Хуссар Ирыстоны Уæлвæткон æмæ Æххæстбарджын Минæвар Боливариайнаг Республикæ Венесуэлæйы Козаты Нарим бабæрæг кодта Венесуэлæйы Минæварад Мæскуыйы.
Каракасы тъæнджы мæйы 3-æм бон æрцæугæ цауты амæттæгтыл Козаты Н. ныууагъта мæсæллæйы ныхæстæ сæрмагонд чиныджы, кæцы бакодта Венесуэлæйы дипломатон минæварад.
2026 азы тъæнджы мæйы 19-æм бон
Мæскуыйы ацыд 2026-2030 азтæм Республикæ Хуссар Ирыстоны социалон-экономикон размæдзыды Паддзахадон программæйы реализацийы тыххæй Республикæ Хуссар Ирыстон æмæ Уæрæсейы Федерацийы ‘хсæн Бадзырды бафыст.
Хуссар Ирыстоны фарсæрдыгæй документ æрфыста РХИ-йы ФХъМ-йы Фæсарæйнаг хъуыддæгты министр Джиоты Æхсар. Уæрæсейаг фарсæй Уæрæсейы Экономикон размæдзыды министры хæдивæг Сергей Назаров.
Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Уæрæсейы Федерацийы Фæсарæйнаг хъуыддæгты министр Сергей Лавров æрцæугæ Ног азы цытæн арвыстой кæрæдзимæ арфæйы фыстæджытæ.
Министртæ сæ фыстæджыты зæрдæбын фæндиæгтимæ раарфæ кодтой кæрæдзийæн æрцæугæ Ног азы цытæн.
Æрцæугæ Ног аз æмæ Цыппурсы бæрæгбоны цытæн ма кæрæдзийæн раарфæ кодтой Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Уæрæсейы Федерацийы Фæсарæйнаг хъуыддæгты министры Хæдивæг Михаил Галузин.
Республикæ Хуссар Ирыстоны сырæзтæй 35 азы рацыды цытæн Уæрæсейы уæвæг Республикæ Хуссар Ирыстоны Минæварад сарæзта Мæскуыйы Райст, кæцыйы фæлгæтты ацыд Æхсæнадæмон литературон преми «Булæмæргъ» раттыны цытджын церемони.
Республикæ Хуссар Ирыстоны Фæсарæйнаг хъуыддæгты министр Джиоты Æхсар Республикæ Хуссар Ирыстоны Президент Гаглойты Аланы номæй раарфæ кодта æрæмбырдуæвджытæн.
Республикæ Цæгат Ирыстон-Аланийы Сæрдар Сергей Меняйлойы номæй арфæйы фыстæг бакаст УФ-йы Президенты дæлбар РЦИ-Аланийы Æххæстбарджын минæвары бартæ рæстæгмæ æххæстгæнæг Дзасохты Тамерлан.
Цыппурсы мæйы 19-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Хуссар Ирыстоны уæвæг Приднестроваг Молдаваг Республикæйы Официалон Минæварады сæрдар Плиты Аланы.
Фембæлды рæстæджы дыууæ фарс дæр æрдзырдтой дывæрсон æмгуыстады актуалон фарстатыл, æркастысты Приднестровьейы алыварс æхсæнадæмон уавæрмæ, ацæугæ азы иумæйаг куысты хатдзæгтæ скодтой.
Нысангонд æрцыд, хуссарирыстойнаг-приднестроваг æмархайд, уый нымæцы æддагполитикон уагдоны æмæ Официалон минæварады хаххыл æмгуыстад, æнтысджынæй кæй рæзы.
Цыппурсы мæйы 17-æм бон Республикæ Хуссар Ирыстоны Фæсарæйнаг хъуыддæгты министрады ацыд РХИ-йы ФХъМ-йы Æвзонг дипломатты советы радон рабадт. Рабадты хайад райстой РХИ-йы ФХъМ-йы Æвзонг дипломатты советы Сæрдар, РХИ-йы ФХъМ-йы Фæсарæйнаг уагдæттимæ куысты фæдыл хайады Сæрдар Санахъоты А.Г., афтæмæй ма Советы уæнгтæ – Министрады кусджытæ.
Æвзонг дипломатты советы Сæрдар Санахъоты А.Г. скодта ацæугæ азы хатдзæгтæ æмæ бузныг загъта Советы уæнгтæн сæ куысты фæдыл. Рабадты рæстæджы РХИ-йы ФХъМ-йы ÆДС-йы уæнгтæ æрцæугæ азмæ снысан кодтой сæйраг хæстæ.
Цыппурсы мæйы 16-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Аланы.
Ныхасы рæстæджы æрдзырдæуыд ацæугæ азы фæстиуджытыл, Абхаз æмæ Хуссар Ирыстоны ‘хсæн дывæрсон ахастыты æмвæзадæн скодтой бæрзонд аргъ.
