Республикæ Абхазы Уæлахизы æмæ Хæдбардзинады боны фæдыл Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Абхазы Фæсарæйнаг хъуыддæгты министр Олег Барцицмæ.
Сæрмагондæй, арфæйы дзырдæуы:
«1993 азы рухæны мæйы 30-æм бон Абхазы нырыккон историйы ссис ахсджиаг цау. Апсныйы адæмы хъайтардзинад æмæ нæсæтгæ ныфс канд сæрибардзинад не ‘рхастой, фæлæ ма æрæвæрдтой фидар бындур паддзахаддзинады арæзтадæн. Абоны бон Абхаз ныфсджынæй фидар кæны йæ суверенитет, æвдисы социалон-экономикон райрæзт. Республикæйы стабилондзинад æмæ активон рæзт сты историон рæстдзинады уæлахиз».