Кæфты мæйы 14-æм бон Адæймаджы барты фæдыл Европæйы тæрхондон радон хатт сарæзта иуфарсон, субъективон къахдзæф æмæ райста Уæрæсейы ныхмæ Гуырдзыстоны иск, кæцымæ гæсгæ Европæйы цæдисы æхсæнадæмон къамисы 'рдыгæй агрессорыл нымад Гуырдзыстонæн хъуамæ лæвæрд æрцæуа компенсаци 253 млн евройы. Компенсаци у 2008 азы конфликтимæ баст афтæ хуыйнæг адæймаджы бартæ фехалыны фæдыл.
Уый у сыдывд æмæ политизацигонд уынаффæ, кæцы бæрæг кæны ацы организацийы «рæстдзинады æмвæзад», бирæбæрцæй æвдисы Европæйы æцæг цæсгом. 2021 азы Хуссар Ирыстоны æмбæстæгты фидиуæнтæ фæстæмæ раздахгæйæ, европæйы тæрхондон равдыста йæ талынгдзинад, Хуссар Ирыстоны мингай адæмы – гуырдзиаг агрессийы амæттæгты бартыл йæхи ацух кодта, кæдон «размæдзыд Европæйы» хъуыдымæ гæсгæ сты дæлбар.
Агрессорты фыдракæндтæ ахæм æгъдауæй раст кæнын, дывæр стандарттæ æмæ дискриминаци æркæнынц ноджы æвзæрдæр трагедитæм. Хъыгагæн, истори æмæ, сæрмагондæй, Европæйы истори ницы дæнцæг уыд европæйæгтæн, уыдон фæлхат кæныц иу рæдыдтытæ.
Европæйы структурæты ахæм архайдтыты рæстæджы Хуссар Ирыстонæн йе 'дас райрæзты гарант у паддзахаддзины фидаркæнынад æмæ хæларадон бæстæтимæ, фыццаджыдæр, Уæрæсейы Федерациимæ æмархайд дарддæр кæнын, кæцыйы фæрцы регионы хъахъхъæд цæуы сабырад æмæ стабилондзиндзинад.
2025 азы кæфты мæйы 15-æм бон