Кæфты мæйы 28-31-æм бонты Республикæ Хуссар Ирыстоны Фæсарæйнаг хъуыддæгты министрады Æвзонг дипломатты советы минæвæрттæ хайад райстой Æвзонг дипломатты III æхсæнадæмон форум «Меркурий-2025»-йы, кæцы ацыд горæт Мариуполы А.И. Куинджийы номыл Мариуполы паддзахадон университеты фæлгæтты.
Форумы сæйраг темæ ацы аз ссис «Уæлахизы дипломати». Ацы ахсджиаг цау иу фæзуатыл æрæмбырд кодта Уæрæсейы 20 регионы æмæ фæсарæйнаг 20 бæстæйæ æхсæнадæмон ахастыты фадыджы студенттæ, аспиранттæ æмæ æвзонг специалистты, афтæмæй ма паддзахадон структурæтæ æмæ æхсæнадон организациты минæвæртты.
Мадзалы организатортæ систы Донецкы Адæмон Республикæ æмæ Уæрæсейы ФХъМ-йы æххуысæй Донецкы уæвæг Уæрæсейы ФХъМ-йы Минæварад Фæсивæдон дипломатийы центр «Легатус»-имæ иумæ.
Форумы хайадисджытæ æрдзырдтой æддагон политикæйы актуалон фарстатыл, афтæмæй ма адæмон дипломатийы бынатыл сабырад æмæ стабилондзинад сфидар кæныны хъуыддаджы. Уæлахиздзинады историон хæзнайыл æрдзырдæуыд дипломатийы монон бындур æмæ стратегион размæдзыды здæхты фарсæрдыгæй дæр.
2025 азы кæфты мæйы 31-æм бон