Джеоргуыбайы мæйы 5-æм бон Республикæ Хуссар Ирыстоны Фæсарæйнаг хъуыддæгты министрады ацыд фембæлд Н.И. Пироговы номыл Уæрæсейы национ иртасæн медицинон университеты Æхсæнадæмон хайады сæрдар Маргарита Исааковаимæ, кæцы Хуссар Ирыстонмæ æрцыд РХИ-йы ФХъМ-йы æвзонг дипломатты советы хуындæй.
Маргарита Исаакова æвзонг дипломаттæн ауагъта презентаци «Лæмæгъ тых куыд æндæвдады сæйрагдæр хуызтæй иу», кæцыйы фæлгæтты радзырдта, нырыккон дуджы «лæмæгъ тых» æмæ адæмон дипломати куыд æндавынц дæргъвæтин бастдзинæдты рæзтыл, афтæмæй ма дзуапп ратта фарстатыл.
РХИ-йы ФХъМ-йы Æвзонг дипломатты советы Сæрдар Санахъоты Алексей бузныджы ныхæстæ загъта уазæгæн йе 'рцыды, цымыдисон презентацийы фæдыл æмæ йын йæ зæрдæ загъта æнтыстытæ йæ дарддæры куысты.
Маргарита Исаакова у юрист, УФ-йы ФХъМ-йы МÆАПИ(У)-йы испайнаг æвзаджы раздæры ахуыргæнæг, ныртæккæ æнтысджынæй ахуыр кæны ирон æвзаг, ирон адæмы культурæ æмæ истори.
2025 азы джеоргуыбайы мæйы 5-æм бон