Джеоргуыбайы мæйы 30-æм бон Приднестроваг Молдаваг Республикæйы ацыдысты Уæлдæр Советы VIII æрсидты депутаттæ, бынæттон Советты адæмон депутаттæ æмæ Советты сæргълæуджытæ-хъæуты администрациты сæрдæртты æвзæрстытæ. ПМР-йы ЦÆК æвзæрстытæ банымадта æнтысджыныл.
Æхсæнадæмон цæстдарджыты бæрæггæнæнтæ куыд равдыстой, афтæмæй, æддагон æндæвдады фæлварæнтæм нæкæсгæйæ, æвзæрстытæ ацыдысты Республикæйы æппæт барадон нормæтæ æмæ æхсæнадæмон фæткмæ гæсгæ.
Хуссар Ирыстоны æхцонæй кæсынц Приднестровьейы æвзæрстыты æнтысджын фæудмæ, кæцы у бæстæйы демократон райрæзты ноджы иу ахæм æвдисæн, æмæ ныфс дарынц, уæвæг зындзинæдтæм нæкæсгæйæ, Республикæ дарддæр дæр кæй фидар кæндзæн йæ паддзахаддзинад, хæларадон бæстæтимæ кæй уæрæх кæндзæн æмархайд æмæ æмгуыстад.
2025 азы цыппурсы мæйы 2-æм бон