Приднестроваг Молдаваг Республикæйы Конституцийы боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ.
Сæрмагондæй, арфæйы дзырдæуы:
«Ацы историон акт ист æрцыд паддзахаддзинады арæзтады рæстæджы æмæ ссис Приднестровьейы суверенон размæдзыды бындур.
Ныры зын геополитикон уавæры Приднестровье бындуриуæг кæны Сæйраг Закъоны принциптыл, фæстиуæгджынæй хъахъхъæны йæ бартæ, здæхт у фарстатæ сабырæй скъуыддзаг кæнынмæ.
Ныфс дарын, æмæ Приднестровьейы адæмы 'рдыгæй конституцион принципты хъахъхъæнынад кæддæриддæр уыдзæн паддзахаддзинады фидаркæнынад, социалон-экономикон рæзт æмæ æхсæнадæмон банымады сæйрагдæр бындур».