«Гуырдзыстоны территорийы хай Уæрæсейы ‘рдыгæй оккупацийы уавæрты» Уæрæсеимæ дипломатон ахастытæ сног кæныны фадат кæй нæй, уый фæдыл Гуырдзыстоны Фæсарæйнаг хъуыддæгты министр Мака Бочоришвилийы фидиуæн радон хатт æвдисы гуырдзиаг къухдариуæгады позици. Уыдон дарддæр дæр нæ разы кæнынц сæвзæргæ политикон уавæрыл.
2008 азы майрæмты мæйы цауты фæстæ Гуырдзыстоны къухдариуæгад парахат кæны афтæ хуыйнæг оккупацийы тыххæй æнæраст информаци æмæ йæ абоны бон дæр хæссынц дунеон æмæхсæнады рæгъмæ.
Зæрдыл лæууын кæнæм, Уæрæсейы ‘рдыгæй Хуссар Ирыстон æмæ Абхазы хæдбардзинады банымады фæдыл политикон уынаффæ дзуапп кæй дæтты æхсæнадæмон барады æппæт нормæтæн дæр æмæ йын фæивæн нал ис. Уыцы уынаффæ рахастæуыд Гуырдзыстоны, куыд бæстæ – агрессоры, сабырадмæ æркæныны фæстиуæгæн.
Уæрæсейы ахаст Хуссар Ирыстонмæ уыд æмæ у æнаивгæ. Хуссарирыстойнаг-уæрæсейаг хæларадон ахастыты æмæ интеграцион бастдзинæдты фидар кæнынад та æппæтварсонæй дзуапп дæтты дыууæ бæстæйы национ интерестæн.
Официалон Тбилисæн хъæуы сразы уын уæвæг æцæгдзинадыл æмæ æвдисын фылдæр конструктивондзинад, уæлдайдæр, æхсæнадæмон дискусситы фæзуаты. Æнæдызæрдыгæй, ахæм къахдзæф ахъаз уыдзæн регионалон æдасдзинад æмæ стабилондзинады рæзтæн.
2026 азы хуымгæнæны мæйы 20 -æм бон