Хуымгæнæны мæйы 27-æм бон Республикæ Хуссар Ирыстоны Фæсарæйнаг хъуыддæгты министрады ацыд РХИ-йы ФХъМ-йы Æвзонг дипломатты советы радон рабадт, кæцыйы хайад райстой Министрады кусджытæ – Советы уæнгтæ.
ÆДС-йы Уагæвæрдмæ гæсгæ рабадты рæстæджы ацыд РХИ-йы ФХъМ-йы Æвзонг дипломатты советы Сæрдар æмæ ÆДС-йы управленийы органты уæнгтæ равзарыны фæдыл æргом хъæлæскæнынад. Советы Сæрдарæй æвзæрст æрцыд РХИ-йы ФХъМ-йы Паддзахадон суагъæйы управленийы консультант Гаглойты И.З., кæцы раивта Фæсарæйнаг уагдæттимæ куысты фæдыл хайады сæрдар Санахъоты А.Г. Афтæмæй ма рабадты рæстæджы æвзæрст æрцыдыты Советы Сæрдары Хæдивæг – Цхуырбаты А.А., Советы Бæрнон секретарь – Елбачиты Д.А., æмæ Президиумы уæнгтæ – Дзахойты В.А. æмæ Цыбырты А.В.
Уымæй дарддæр ма рабадты рæстæджы æрдзырдæуыд æввахс рæстæгмæ Æвзонг дипломатты советы куысты пъланыл.
Æвзонг дипломатты совет арæзт æрцыд 2024 азы рухæны мæйы æмæ йæ сæйраг нысан у æвзонг кусджытимæ архайд сцырен кæнын, хуссарирыстойнаг дипломатон службæйы традицитæ бахъахъхъæнын, æвзонг кадрты профессионализм æмæ квалификаци фæуæлдæр кæнын. Советы уæнгтæ сæ бон у æмæ уой РХИ-йы ФХъМ-йы системæйы кусджытæ 45 азы кармæ. ÆДС-йы Сæрдар æмæ Президиумы уæнгтæ æвзæрст цæуынц æргом хъæлæскæнынадæй иу азы æмгъуыдмæ.
2026 азы хуымгæнæны мæйы 27-æм бон