Майрæмты мæйы 12-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста историон зонæдты доктор, профессор, Уæрæсейы Федерацийы зонæдты сгуыхт архайæг Цыбырты Людвигы монографи «Алания – Осетия и Дагестан»-ы презентацийы, кæцы ацыд Анахарсисы номыл Национ библиотекæйы конференц-залы.
Авторы ныхæстæм гæсгæ, куыст у Ирыстон æмæ Дагестаны 'хсæн историон æмæ культурон ахастыты размæдзыд бæстонæй сбæрæг кæныны фæлварæн.
Цыбырты Людвигы ныфс ис, куысты саразгæ хатдзæгтæ кæй суыдзысты бындур дарддæры иртæстытæн æмæ ахъаз уыдзысты æвзонг иртасджытæн, кæцытæ ахуыр кæнынц Кавказы истори æмæ адæмы культурæ.
2026 азы майрæмты мæйы 12-æм бон