Фыдыбæстæ хъахъхъæнджыты Мысæн боны охыл Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста нотæ Республикæ Абхазы Фæсарæйнаг хъуыддæгты министр О.М. Барцицмæ.
Сæрмагондæй, нотæйы дзырдæуы:
«Æртын цыппар азы размæ Абхазæн райдыдта уæззау фæлварæнты рæстæг, кæцытæ сбæрæг кодтой Апсныйы адæмы хъысмæт. 1992 азы майрæмты мæйы 14-æм бон райдайгæ Фыдыбæстæйон хæст ссис хъайтардзинады фæлварæн: сæрибардзинады сæрыл тохы Абхазы адæм сæмбæлдысты Гуырдзыстоны агрессийыл, кæцыйы фæстиуæгæн фæхъуыдысты бирæ адæм, пырхæнтæ фестадысты культурон хæзнатæ æмæ бæстыхæйттæ. Уæззау уавæртæ равдыстой, цы аргъæй æрхастæуыд уæлахиз. Хъæддыхдзинад æмæ æнгомдзинады фæрцы Апсныйы адæм бахъахъхъæдтой сæ национ иудзинад».