Ноты

Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар Боливариайнаг Республикæ Венесуэлæйы Хæдбардзинады боны цытæн арвыста арфæйы фыстæг Боливариайнаг Республикæ Венесуэлæйы Фæсарæйнаг хъуыддæгты министр Иван Хиль Пинтомæ.

Сæрмагондæй, арфæйы дзырдæуы:

«Венесуэлæйы истори æвдисы, паддзахады сæйраг тых кæй ис йе ‘мбæстæгты иудзинад æмæ хъæддыхдзинады. Абон бæстæ æмбæлы историон æмæ æрдзон зындзинæдтыл, фæлæ 215 азы дæргъы боливариайнаг адæмы æнгомдзинад ахъаз у фæлварæнты ныхмæ ныфсджынæй лæууынæн». 

Хæдбардзинады боны цытæн Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Республикæ Беларусы Фæсарæйнаг хъуыддæгты министрадмæ.

Сæрмагондæй, арфæйы дзырдæуы:

«1944 азы сусæны мæйы 3-æм бон операци «Багратион»-ы фæстиуæгæн ссæрибар Минск. Горæт ссæрибар кæныны активон хайад истой Хуссар Ирыстоны цæрджытæ дæр. Уæдæй фæстæмæ ацы бон ссис белоруссаг адæмы хæдбардзинад, хъæддыхдзинад æмæ æнгомдзинады символ, кæддæриддæр зæрдыл лæууын кæны йæ хъахъхъæнджыты хъæбатырдзинад».

Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар арвыста арфæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ Приднестроваг Молдаваг Республикæйы сырæзтæй 34 азы рацыды цытæн.

Сæрмагондæй, арфæйы дзырдæуы:

«Ацы бон – приднестроваг дипломатон скъолайы бæрзонд æмвæзад æмæ хъæддыхдзинады æвдисæн. Зын уавæрты райрæзты фæндагыл рацæугæйæ, Министрад ссис национ интерестæ хъахъхъæныны фидар гарант, кæцыйæн ис цыт æхсæнадæмон аренæйы». 

Зæххæнкъуысты трагикон фæстиуджыты фæдыл Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар арвыста мæсæллæйы нотæ Боливариайнаг Республикæ Венесуэлæйы Фæсарæйнаг хъуыддæгты министр Иван Хильмæ.

Нотæйы дзырдæуы:

«Хуссар Ирыстон æппæтварсонæй ис Венесуэлæйы æфсымæрон адæмы фарсмæ ацы зын сахат. Мæсæллæй кæнæм трагедийы рæстæджы фæмардуæвджыты æппæт хиуæттæн, чи фæсахъат, уыдонæн та нæ зæрдæ зæгъы тагъддæры æнæниздзинад».

Бендеры трагедийы амæттæгты Мысæн боны охыл Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар арвыста Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ мæсæллæйы нотæ.

Сæрмагондæй, нотæйы дзырдæуы:

«1992 азы хурхæтæны мæйы уæззау цаутæй рацыд 34 азы. Уыцы бонтæ приднестроваг адæмы зæрдæты æнустæм баззайдзысты æнæбайгас хъæдгомæй. Бендеры трагеди æгъатырæй ахаста сæдæгай цардтæ, фæсахъат кодта мингæй адæмы æмæ горæт та фестын кодта пырхæнтæ».

Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министры хæдивæг Михаил Галузинмæ Райгуырæн боны цытæн.

Сæрмагондæй, арфæйы дзырдæуы:

«Дæ цард æмæ профессионалон фæндаг æппæтварсонæй снывонд кодтай сабырад æмæ рæстдзинады хъуыддагæн. Хъæздыг дипломатон фæлтæрддзинад, национ интерестæ хъахъхъæныны хъуыддаджы дын дæ паддзахадон куырыхондзинады фæрцы ис цыт Уæрæсе æмæ фæсарæнты». 

Уæрæсейы боны цытæн Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ.

Сæрмагондæй, арфæйы дзырдæуы:

«Хурхæтæны мæйы 12-æм бон канд Уæрæсейы бирæнусон истори, суверенитет æмæ сæрыстырдзинад не 'вдисы, фæлæ ма йæ бирæнацион адæмы фидар æнгомдзинад, йæ культурон æмæ монон хæзнаты хъæздыгад». 

Уæрæсейы Федерацийы Фæсарæйнаг хъуыддæгты министр Сергей Лавров Стыр Фыдыбæстæйон хæсты Уæлахизы бонæй 81 азы рацыды цытæн рарвыста арфæйы фыстæг Республикæ Хуссар Ирыстоны Фæсарæйнаг хъуыддæгты министр Джиоты Æхсармæ, кæцыйы, сæрмагондæй, банысан кодта, ветеранты сгуыхтдзинад, се 'гæрон уарзт Фыдыбæстæмæ æмæ хъайтардзинад абоны бон дæр кæй у нæ паддзахадты ‘хсæн хæларадон ахастыты размæдзыдæн ирд дæнцæг. Афтæмæй ма бахатыд, цæмæй Хуссар Ирыстоны цæрæг Стыр Фыдыбæстæйон хæсты хайадисджытæн загъд æрцæуой стыр бузныджы ныхæстæ æмæ фидар æнæниздзинад, амонд æмæ фæрныгады фæндиæгтæ.

Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ райгуырæн боны цытæн.

Сæрмагондæй, арфæйы дзырдæуы:

«Дæ ном у куыд уæрæсейаг, афтæ æппæт дунейы дипломатийы сæрыстырдзинад. Де стыр профессионализм, принципиалондзинад æмæ куырыхондзинад дын æрхастой авторитет куы дæ коллегæты, афтæ милуангай æмбæстæгты 'хсæн дæр, кæцытæн сдæ рæстдзинад хъахъхъæныны символ. 

Дипломатон кусæджы боны цытæн Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар арвыста арфæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ.

Сæрмагондæй, арфæйы дзырдæуы:

Дипломатон кусæджы боны цытæн Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ.

Сæрмагондæй, арфæйы дзырдæуы:

«Дунеон аренæйы Уæрæсейы дипломатийы бæрзонд æмвæзад абоны бон бирæбæрцæй у дæ номимæ баст. Æнæфæцудгæ традицитыл бындуриуæг кæнгæйæ, æхсæнадæмон барады нормæтæ хынцгæйæ, Уæрæсейы æддагполитикон службæ дæ къухдариуæгады бын æнтысджынæй хъахъхъæны æхсæнадæмон аренæйы бæстæйы интерестæ, фæсарæйнаг партнертимæ кæны фæстиуæгджын куыст».

Республикæ Науруйы Хæдбардзинады боны фæдыл Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Республикæ Науруйы Фæсарæйнаг хъуыддæгтæ, базарад æмæ финансты министрадмæ.

Сæрмагондæй, арфæйы дзырдæуы:

«1968 азы тъæнджы мæйы 31-æм бон паддзахадон суверенитеты райст ссис ахсджиаг цау, кæцы бындур æрæвæрдта Науруйы адæмы сæрибар размæдзыдæн. Ацы бон æвдисы хæдбардзинад æмæ национ иудзинадмæ тырнынад.