Новости

Тъæнджы мæйы 31-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Хуссар Ирыстоны уæвæг Приднестроваг Молдаваг Республикæйы Официалон Минæварады сæрдар Плиты Аланы. 

Плиты Алан радзырдта гуманитарон кризисы фæдыл Приднестровьейы сæвзæргæ уавæры тыххæй. 

Ныхасы рæстæджы дыууæ фарс дæр æрдзырдтой хуссарирыстойнаг-приднестроваг хæларадон ахастыты дарддæры размæдзыды фарстытыл æмæ равдыстой сæ цæттæдзинад конструктивон æмархайд дарддæр кæнынмæ. 

2025 азы тъæнджы мæйы 31-æм бон

Республикæ Науруйы Хæдбардзинады боны фæдыл Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Республикæ Науруйы Фæсарæйнаг хъуыддæгтæ, базарад æмæ финансты министрадмæ.

Сæрмагондæй, арфæйы дзырдæуы:

«Хæдбардзинады бон – алкæцы паддзахадæн дæр æппæты ахсджиагдæр бонтæй иу. 1968 азы тъæнджы мæйы 31-æм боны Республикæ Науруйы адæм равзæрстой сæрибар, хæдбар паддзахады цæрын. 

Абоны æхсæнадæмон зын уавæртæм нæкæсгæйæ, Науру æнтысджынæй размæ кæны социалон-экономикон æмæ политикон фадгуытæ».

Республикæ Хуссар Ирыстоны Фæсарæйнаг хъуыддæгты министр Джиоты Æхсар бабæрæг кодта аргъау-мюзикл «Сырх Худ Алæмæты бæстæйы»-йы равдыст, кæцы бацæттæ кодтой Цхинвалы скъола-интернаты хъомылгæнджытæ.

Мадзалы уазджытæ систы Республикæ Хуссар Ирыстоны Президент Гаглойты Алан, министрадты æмæ уагдæтты къухдариуæггæнджытæ, политикон партиты раздзогтæ.

2025 азы тъæнджы мæйы 22-æм бон

Тъæнджы мæйы 10-æм бон Каракасы ацыд Боливариайнаг Республикæ Венесуэлæйы ногæвзæрст Президент Николас Мадуройы инаугурацийы цытджын церемони.

Церемони ацыд Венесуэлæйы Национ Ассамблейы агъуысты. Ногæвзæрст Президент бахордта ард. Мадзалы архайдтой Парламенты уæнгтæ, Хицауады минæвæрттæ æмæ æхсæнад.

Боливариайнаг Республикæ Венесуэлæйы Президент суæвыны фæдыл Николас Мадуройæн раарфæ кодта Республикæ Хуссар Ирыстоны Президент Гаглойты Алан.

Венесуэлæйы президентон æвзæрстытæ ацыдысты 2024 азы сусæны мæйы 28-æм бон. Хъæлæсты фылдæр хай уыд Н. Мадуройæн.

Хуссар Ирыстоны Фæсарæйнаг хъуыддæгты министрад арвыста мæсæллæйы нотæ Абхазы Фæсарæйнаг хъуыддæгты министрадмæ Галы районы Папанырхуайы хъæуы трагедийы охыл.

Нотæйы дзырдæуы:

«Стыр хъыгзæрдæимæ райстам Республикæ Абхазы Галы районы Папанырхуайы хъæуы зынгсивæрзты охыл цау, кæцыйы фæстиуæгæн фæмард сты сывæллæттæ.

Чоларияйы бинонтимæ æрцæугæ трагедийæ æппæт адæмы зæрдæттæ дæр скъуыдтæ кæнынц.

Мæсæллæй кæнæм æппæт хиуæттæ æмæ æввахс адæмæн».

2024 азы Республикæ Хуссар Ирыстоны Фæсарæйнаг хъуыддæгты министрад фæсарæйнаг уагдæттимæ иумæ реализаци кодта Республикæ Хуссар Ирыстоны Президентæй снысангонд бæстæйы æддагполитикон курс, æмæ хæслæвæрдтæм гæсгæ, дарддæр кодта Хуссар Ирыстоны интерестæ æхсæнадæмон аренæйы хъахъхъæнын æмæ размæ кæнын, Хуссар Ирыстонæн дипломатон ахастытæ цы паддзахадтимæ ис, уыдонимæ æмгуыстад фидар кæнын, афтæмæй ма æхсæнадæмон бастдзинæдтæ уæрæх кæныны фæдыл куыст.

Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Уæрæсейы Федерацийы Фæсарæйнаг хъуыддæгты министр Сергей Лавров æрцæугæ Ног азы цытæн арвыстой кæрæдзимæ арфæйы фыстæджытæ. 

Фыстæджыты Министртæ зæрдæбын фæндиæгтимæ раарфæ кодтой кæрæдзийæн æрцæугæ Ног азы цытæн.

Цыппурсы мæйы 26-æм бон РХИ-йы Фæсарæйнаг хъуыддæгты министрады ацыд уæрæх æмбырд, кæцыйы рæстæджы Республикæ Хуссар Ирыстоны Фæсарæйнаг хъуыддæгты министр Джиоты Æхсар æрныхас кодта ацæугæ азы Министрады куысты фæстиуджытыл æмæ снысан кодта 2025 азмæ сæйраг хæстæ.

Æмбырды рæстæджы Министр цыбыртæй банысан кодта 2024 азы æддагполитикон æмæ фæсарæйнаг уагдæтты архайды сæйраг здæхтытæ. 

Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста хæрзаудæн проект «Мæ ногазон бæллицц»-ы.

Проекты фæлгæтты Министр сæххæст кодта æртæ сывæллоны бæллицц. Се 'хсæн – интернатты, сидзæр сывæллæтты хæдзары хъомылгæнджытæ, сæрмагонд хæстон операцийы рæстæджы фæмардуæвæг хъайтарты сывæллæттæ. 

Джиоты Æхсар скодта сывæллæттæн, Митын Дадамæ сæ фыстæджыты цы ныффыстой, уыцы лæвæрттæ æмæ сын йæ зæрдæ загъта æнæниздзинад, æнтыстытæ æмæ Ног азы æппæт фæндты сæххæст. 

Цхинвал, 2024 азы цыппурсы мæйы 26-æм бон

Цыппурсы мæйы 18-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Абхазы Уæлвæткон æмæ Æххæстбарджын Минæвар Республикæ Хуссар Ирыстоны Елбачиты Аланы. 

Ныхасы рæстæджы æрдзырдæуыд 2024 азы фæстиуджытыл, хуссарирыстойнаг-абхазаг хæларадон ахастыты актуалон фарстытыл æмæ дарддæры æмархайдыл. 

Цхинвал, 2024 азы цыппурсы мæйы 18-æм бон

Цыппурсы мæйы 5-6 бонты Валлетты (Мальтæ) ацыд ОБСЕ-йы Фæсарæйнаг хъуыддæгты министрты Советы 31-æм рабадт, кæцыйы фæлгæтты афтæ хуыйнæг ОБСЕ-йы Гуырдзыстоны хæлæртты къорд (Болгари, Канадæ, Чехи, Дани, Эстони, Финлянди, Исланди, Ирланди, Латви, Литвæ, Норвеги, Польшæ, Румыни, Словаки, Швеци, Украинæ, Великобритани æмæ Америкæйы Иугонд Штатты) номæй радон хатт фидиуæны загъд æрцыдысты бирæ азты дæргъы æнæивгæ, æцæгадæй дард хъуыдытæ. 

Цыппурсы мæйы 16-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Хуссар Ирыстоны уæвæг Сырх Дзуары Æхсæнадæмон Комитеты ног Сæрдар Саид Ассадуллайы. 

Ныхасы рæстæджы æрдзырдæуыд СДÆК-ы гуманитарон архайды фæдыл Хуссар Ирыстоны, афтæмæй ма дарддæры æмгуыстадыл.

Фембæлды ма хайад райстой РХИ-йы ФХъМ-йы Æддагполитикон бастдзинæдты управленийы Сæрдар Джиджджойты Т., СДÆК-ы Минæварады Сæрдары Хæдивæг Болататы В. æмæ СДÆК-ы Минæварады Æхсæнадимæ бастдзинæдты фæдыл кусæг Тедеты М.