Новости

Сусæны мæйы 17-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар, Республикæ Хуссар Ирыстоны Уæлвæткон æмæ Æххæстбарджын Минæвар Уæрæсейы Федерацийы Гасситы Знауыр æмæ Республикæ Хуссар Ирыстоны Уæлвæткон æмæ Æххæстбарджын Минæвар Республикæ Никарагуайы Козаты Нарим хайад райстой Мæскуыйы уæвæг Республикæ Никарагуайы Минæварады Сандинистон революцийы Фæуæлахизæй 47 азы рацыды фæдыл цытджын мадзалы.

Мадзалы уазджытæ систы Уæрæсейы ФХъМ-йы, Уæрæсейы хицауады, æхсæнадæмон организациты минæвæрттæ, депутаттæ, УФ-йы аккредитацигонд дипломатон корпус.

Сусæны мæйы 17-æм бон Республикæ Хуссар Ирыстоны Уæлвæткон æмæ Æххæстбарджын Минæвар Республикæ Абхазы Астамур Кация радта æууæнчы гæххæттытæ Республикæ Абхазы Президент Бадра Гунбайæн.

Президент банысан кодта, Абхаз æмæ Хуссар Ирыстоны рагæй фæстæмæ кæй иу кæнынц æфсымæрон ахастытæ, кæцытæ бындуриуæг кæнынц иу хъысмæт æмæ бирæазон æххуысыл, афтæмæй ма загъта Минæварæн бæрнон дипломатон куысты æнтыстыты фæндиæгтæ, кæцытæ ахъаз уыдзысты паддзахадты ‘хсæн хæларадон бастдзинæдтæ сфидар кæнынæн.

Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Боливариайнаг Республикæ Венесуэлæйы Фæсарæйнаг хъуыддæгты министр Феликс Рамон Пласенсия Гонсалесмæ Венесуэлæйы Фæсарæйнаг хъуыддæгты æмæ æддагон базарады министрæй снысан кæныны фæдыл.

Сæрмагондæй, арфæйы дзырдæуы:

1992 азы сусæны мæйы 14-æм бон гуырдзиаг-ирон конфликт æрбæстон кæныны сæйраг принципты фæдыл Фидыдыл бындуриуæггæнгæйæ, Республикæ Хуссар Ирыстоны территоримæ конд æрцыдысты æртæфарсон фидауынгæнæн тыхтæ. Ацы бон Хуссар Ирыстоны нысан цæуы куыд Фидауынгæнæджы бон.

Тугкалд чи æрлæууын кодта æмæ сабыр царды ныфс чи фæзынын кодта, уыцы фидауынгæнджытыл Хуссар Ирыстоны цæрджытæ æмбæлдысты дидинтæ æмæ цины цæссыгтимæ. Ацы цау ахъаз уыд конфликт æрлæууын кæнын æмæ сабыр цард райдайынæн.

Сусæны мæйы 13-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста æхсæнадæмон-зонадон конференци «Нюрнберг: Без права на реабилитацию»-йы, кæцы ацыд Тыбылты Алыксандры номыл Хуссар Ирыстоны Паддзахадон университеты (ХИПУ).

Конференцийы сæйраг здæхт – Нюрнбергы процессы рæстаг бæрæггæнæнтæ бахъахъхъæнын æмæ нацизм сног кæныны ныхмæ тох кæнын. РХИ-йы Президенты хæстæ æххæстгæнæг Хъамболты Мараты арфæйы ныхас конференцийы хайадисджытæн бакаст ХИПУ-йы Ректор Тедеты Вадим.

Сусæны мæйы 10-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ РХИ-йы ФХъМ-йы фæсарæйнаг уагдæттимæ куысты фæдыл хайады сæрдар Санахъоты Алексей бабæрæг кодтой Цхинвалы уæвæг Уырыссаг хæдзар, кæцыйы УФ-йы ФХъМ-йы Сæрмагонд уынаффæты фæдыл Минæвар Родион Мирошникы хайадистимæ цæуы Æхсæнадæмон телехид «Киевы режимы фыдракæндтæ: Херсоны облæсты æмбæстæгты ‘рдæм террор». 

Ацы бонты Италийы цæуынц Европæйы Ирон культурæйы бонтæ.

Девиз «Культурæты диалог»-имæ проекты аразæг у Æхсæнадæмон æнæкоммерцион ассоциаци «Renaissance Sandidzan» («Æндидзæн»), йæ сæргълæууæг – Пухаты Радион.

Сусæны мæйы 3-æм бон байгом фыццаг равдыст Градары горæты музейы. Байгом кæныны церемонийы хайад райстой г. Градары мэр Филиппо Гаспери, афтæмæй ма Хуссар Ирыстоны Фæсарæйнаг хъуыддæгты министрады минæвар Италийы Мауро Мурджа.

Сусæны мæйы 6-æм бон Республикæ Хуссар Ирыстоны Президенты хæстæ æххæстгæнæг Хъамболты Аркадийы фырт Мараты Барамындмæ гæсгæ Джиоты Мурæты фырт Æхсар нысангонд æрцыд Республикæ Хуссар Ирыстоны Фæсарæйнаг хъуыддæгты министрæй.

2026 азы сусæны мæйы 7-æм бон

Гуырдзыстоны парламенты æхсæнадæмон ахастыты комитеты сæрдар Николоз Самхарадзе ОБСЕ-йы ПА-йы политикон фарстатæ æмæ æдасдзинады фæдыл сæйраг комитеты 33-æм æрвылазон сессийы рæстæджы йæ раныхасы, сæрмагондæй, нысан кæны, зæрдæвæрæны мæйы 9-æм бон бафыстгонд Республикæ Хуссар Ирыстон æмæ Уæрæсейы Федерацийы 'хсæн æмархайд уæрæх кæныны фæдыл Бадзырд кæй у «оккупаци сфидар кæныны æмæ æхсæнадæмон æгъдауæй банымад Гуырдзыстоны территоритæ æрбаиу кæныны Мæскуыйы æнæфæстиуæгджын фæлварæн». Радон хатт та уынæм, гуырдзиаг фарс кæй нæ разы кæны æхсæнадæмон-барадон æцæгдзинадыл.

Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсар Боливариайнаг Республикæ Венесуэлæйы Хæдбардзинады боны цытæн арвыста арфæйы фыстæг Боливариайнаг Республикæ Венесуэлæйы Фæсарæйнаг хъуыддæгты министр Иван Хиль Пинтомæ.

Сæрмагондæй, арфæйы дзырдæуы:

«Венесуэлæйы истори æвдисы, паддзахады сæйраг тых кæй ис йе ‘мбæстæгты иудзинад æмæ хъæддыхдзинады. Абон бæстæ æмбæлы историон æмæ æрдзон зындзинæдтыл, фæлæ 215 азы дæргъы боливариайнаг адæмы æнгомдзинад ахъаз у фæлварæнты ныхмæ ныфсджынæй лæууынæн». 

Украинæйы гæрзифтонг тыхты (УГТ) цæфтæ Запорожьейы облæсты Токмакы горæттаг базарыл нымайæм террористон актыл, кæцыйы фæстиуæгæн фæмард сты адæм.

Стæм æрцæугæ æгъатыр акцийы ныхмæ. Уый уыд Киевы режимы радон фыдракæнд цæрджыты æмæ æмбæстагон объектты ныхмæ, кæцы халы æхсæнадæмон гуманитарон барад.  

Мæсæллæй кæнæм трагедийы рæстæджы фæмардуæвджыты æппæт хиуæттæн, чи фæсахъат, уыдонæн та нæ зæрдæ зæгъы тагъддæры æнæниздзинад.

2026 азы сусæны сæйы 3-æм бон

Хæдбардзинады боны цытæн Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Республикæ Беларусы Фæсарæйнаг хъуыддæгты министрадмæ.

Сæрмагондæй, арфæйы дзырдæуы:

«1944 азы сусæны мæйы 3-æм бон операци «Багратион»-ы фæстиуæгæн ссæрибар Минск. Горæт ссæрибар кæныны активон хайад истой Хуссар Ирыстоны цæрджытæ дæр. Уæдæй фæстæмæ ацы бон ссис белоруссаг адæмы хæдбардзинад, хъæддыхдзинад æмæ æнгомдзинады символ, кæддæриддæр зæрдыл лæууын кæны йæ хъахъхъæнджыты хъæбатырдзинад».