Хурхæтæны мæйы 22-æм бон Беларусы нысан кæнынц Стыр Фыдыбæстæйон хæст æмæ белорусаг адæмы геноциды амæттæгты Æппæтадæмон мысæн бон. Ацы бон Беларусы мысынц сæ цард чи радта Фыдыбæстæйы сæрвæлтау, æппæт уыдоны.
Новости
Хурхæтæны мæйы 20-æм бон Хуссар Ирыстоны цæуынц Ирон адæмы геноциды амæттæгты мысæн боны охыл мадзæлттæ. Геноцид арæзт æрцыд 1920 азы сæрды гуырдзиаг къухдариуæгады ‘рдыгæй.
1920 азы Гуырдзыстоны æфсады тугамæхст операцийы фæстиуæгæн фæмард сты мингай ирон цæрджытæ. Адæм фæхъуыдысты куыд гуырдзиаг хæстонты къухæй, афтæ Стыр Кавказы æфцджыты сæрты хизгæйæ уазал æмæ æххормагæй. 50 мин адæймаджы фесæфтой сæ хæдзæрттæ, сæ ис. Æндæр бон сæ нал уыд, куыд сæ цард хъахъхъæнгæйæ, Хуссар Ирыстонæй ацæуын.
Бендеры трагедийæ 33 азы рацыды охыл Республикæ Хуссар Ирыстоны Фæсарæйнаг хъуыддæгты министрад арвыста мæсæллæйы нотæ Приднестроваг Молдаваг Республикæйы Фæсарæйнаг хъуыддæгты министрадмæ.
Сæрмагондæй, нотæйы дзырдæуы:
«Бендеры трагеди æвдисы, цавæр æбуалгъ фæстиуджытæ вæййы националистон экстремизмæн. 33 азы размæ молдаваг националисттæ ахызтысты гуманитарон барады æппæт нормæты сæрты дæр, цы æркодта сæдæгай мæрдтæ æмæ цæфтæм, бирæ пырхæнтæм.
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министры Хæдивæг М.Ю. Галузинмæ юбилейы цытæн.
Сæрмагондæй, арфæйы дзырдæуы:
«Дæ бæстæйы хæрзиуæгæн бирæазон бæрнон куысты рæстæджы рацыдтæ стыр профессионалон фæндаг, ис дын стыр æхсæнадæмон ном æмæ дæ коллегæты 'рдыгæй цыт.
Дæ хисæрмагонд æмæ куыстæн ахсджиаг миниуджытæ, куырыхондзинады фæрцы зын рæстæджыты дæр уæзгæ хайбавæрд хæссыс Уæрæсейы æддагполитикон курсы реализацийы хъуыддагмæ.
Уæрæсейы боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ.
Сæрмагондæй, арфæйы дзырдæуы:
«Хурхæтæны мæйы 12-æм бон у бирæнацион Уæрæсейы сæрыстырдзинад, адæмон иудзинад æмæ æнгомдзинады символ. Уæрæсейы адæмы хъæздыг истори, традицитæ æмæ монон миниуджытæ сты фидар бындур ног æнтыстытæ, сгуыхтдзинæдтæ æмæ уæлахизæн.
Хурхæтæны мæйы 10-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар РПП «Иудзинад»-ы фæхуындæй хайад райста Тымбыл фынг «Уæрæсе æмæ Хуссар Ирыстон: хæларад æмæ æмгуыстады фидар кæнынад»-ы куысты, кæцы ацыд Уæрæсейы бæрæгбоны цытæн.
Хурхæтæны мæйы 4-æм бон Республикæ Хуссар Ирыстоны Фæсарæйнаг хъуыддæгты министрады Æвзонг дипломатты советы Сæргълæууæджы Хæдивæг Коцты Зарина хайад райста æхсæнадæмон зонадон-практикон конференци «Тарлевские чтения. К новой архитектуре многополярного мира»-йы, кæцы ацыд Уæрæсейы ФХъМ-йы Дипломатон академийы Мæскуыйы.
Конференцийы рæстæджы сæ хъуыдытæ загътой дипломаттæ, Дипломатон академи æмæ æндæр ахуыргæнæндæтты, Уæрæсе æмæ хæларадон бæстæты зонадон-иртасæн институтты профессортæ, зонадон кусджытæ.
ИНО-йы Генералон Ассамблейы 79-æм сессийы фæлгæтты райстæуыд Хуссар Ирыстон æмæ Абхазæй лигъдæттæ æмæ мидбынаты иу ранæй иннæ ранмæ чи ацыд цæрынмæ, уыдоны уавæры фæдыл резолюци. Уыцы резолюцийы райст сцырын кодтой Гуырдзыстон æмæ йæ «хæлæрттæ».
Хуссар Ирыстон иу æмæ дыууæ хатты нæ бахахх кодта, æхсæнадæмон фæзуаттæ кæй дарддæр кæнынц уавæры æцæгдзинадæн дзуапп чи нæ дæтты, ахæм позицийыл хæцын.
Хурхæтæны мæйы 3-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Хуссар Ирыстоны Фæсарæйнаг хъуыддæгты Министрады Минæвар Австрийы Республикæйы Патрик Поппелы, кæцы кусæгон балцимæ ис Цхинвалы.
Фембæлды рæстæджы æрдзырдæуыд æмархайд ауæрæх кæнын æмæ æхсæнадæмон бастдзинæдтæ сфидар кæныны фарстатыл. Патрик Поппель бæстонæй радзырдта Республикæ Хуссар Ирыстоны истори æмæ культурæйы тыххæй информаци дунейон æмæхсæнадмæ бахæццæ кæныны фæдыл йæ архайдыл.
Хурхæтæны мæйы 3-æм бон Цхинвалы ацыд Фæскавказы Æдасдзинад æмæ стабилондзинады фæдыл æхсæнадæмон дискусситы хуссарирыстойнаг делегацийы фембæлд ЕЦ, ОБСЕ æмæ ИНО-йæ Æмсæрдæрттимæ.
Фембæлды рæстæджы æрдзырдæуыд хурхæтæны мæйы 25-26 бонтæм снысангонд Дискусситы 64 раунды актуалон фарстатыл.
Регионы стабилондзинад æмæ æдасдзинад сфидар кæныныл дзургæйæ, хуссарирыстойнаг фарс ногæй бахахх кодта юридикон æгъдауæй хæсджынгæнæг документыл куыст сног кæныны ахсджиагдзинад, кæцымæ гæсгæ Гуырдзыстонæн Хуссар Ирыстоны ‘рдæм тыхæй спайда кæныны бар нæй.
Зæрдæвæрæны мæйы 29-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Министрады кусджытæ хайад райстой Республикæйы фыццаг къухдариуæггæнæг Хъуылымбегты Торезы цыртмæ дидинтæ сæвæрыны церемонийы, кæцы ацыд Хуссар Ирыстоны Хæдбардзинад расидыны акты райстæй 33 азы рацыды цытæн.
Ахсджиаг боны фæдыл РХИ-йы Парламенты ацыд æхсæнады минæвæртты цытджын æмбырд.
2025 азы зæрдæвæрæны мæйы 29-æм бон
Хуссар Ирыстон æмæ Сирийы 'хсæн дипломатон ахастытæ сфидар кæнын æмæ кæрæдзийы банымадæй авд азы рацыды цытæн Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Сириаг Араббаг Республикæйы Фæсарæйнаг хъуыддæгты министрадмæ.
Сæрмагондæй, арфæйы дзырдæуы:
«2018 азы зæрдæвæрæны мæйы 29-æм бон Республикæ Хуссар Ирыстон æмæ Сириаг Араббаг Республикæ, æхсæнадæмон барады сфидаргонд нормæтæ æххæст кæнгæйæ, бындур æрæвæрдтой хæларадон ахастытæн.