Хуссар Ирыстоны ныхмæ Гуырдзыстоны хæстон агрессийы амæттæгты Мысæн боны охыл Приднестроваг Молдаваг Республикæйы Фæсарæйнаг хъуыддæгты министры хæстæ æххæстгæнæг А.П. Стецюк рарвыста нотæ Республикæ Хуссар Ирыстоны Фæсарæйнаг хъуыддæгты министр Джиоты Æхсармæ.
Сæрмагондæй, нотæйы дзырдæуы:
«Республикæйы историйы ацы бон æнустæм баззайдзæн куыд хъынцъым æмæ хъæбатырдзинады бон. Хуссар Ирыстон февзæрд тæссаг уавæры – гæрзифтонг æрбабырсты раз, кæцыйы сæйраг нысан уыд йæ паддзахаддзинад фесафын, хуссарирыстойнаг адæмы æнгомдзинад ныппырх кæнын. Фæлæ уымæ нæкæсгæйæ, сымах равдыстад æнгомдзинад æмæ Уæрæсеимæ иумæ фæуæлахиз стут агрессорыл, бахъахъхъæдтат уæ зæххыл сæрибарæй цæрыны бар.
Приднестровьейы уæлдай тынг æнкъарынц Хуссар Ирыстоны адæмы рыст. Приднестровæгтæ æмæ гæрзифтонг агрессиимæ чидæриддæр сæмбæлд, уыдон, сабырад æмæ хæдбардзинады аргъ æмбаргæйæ, уемæ иумæ хъынцъым кæнынц».