Новости

Кæфты мæйы 5-æм бон Республикæ Хуссар Ирыстоны Фæсарæйнаг хъуыддæгты министрады ацыд Республикæ Хуссар Ирыстоны Фӕсарӕйнаг хъуыддӕгты министры х.æ. Джиоты Ӕхсары ӕмӕ Республикæ Хуссар Ирыстоны Уӕлвӕткон ӕмӕ Ӕххӕстбарджын Минӕвар Республикӕ Никарагуа ӕмӕ Боливариайнаг Республикӕ Венесуэлӕйы Козаты Наримы фембӕлд. 

Ныхасы рæстæджы сæйраг хъусдард аздæхтæуыд Никарагуа æмæ Венесуэлæимæ дипломатон æмархайд æмæ æмгуыстад уæрæх кæнынмæ. 

Фембæлды фæстиуæгæн нысангонд æрцыдысты æддагполитикон хæстæ скъуыддзаг кæныны фæдыл дипмиссийы дарддæры куысты пълæнттæ. 

Кæфты мæйы 1-æм бон Мæскуыйы ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсар, Уæрæсейы Федерацийы Фæсарæйнаг хъуыддæгты министр Сергей Лавров æмæ Республикæ Абхазы Фæсарæйнаг хъуыддæгты министр Олег Барцицы æртæфарсон фембæлд.

Æртæфарсон фембæлды рæстæджы министртæ æрдзырдтой æхсæнадæмон æмæ регионалон фарстатыл, банысан кодтой Фæскавказы Æхсæнадæмон дискусситы иумæйаг архайды координацийы ахсджиагдзинад. Афтæмæй ма хъуыдытæ загъдæуыд уый фæдыл, цæмæй Цхинвал, Сухум æмæ Тбилисы 'хсæн уа комкоммæ диалог. 

Кæфты мæйы 1-æм бон Мæскуыйы ацыд Республикæ Хуссар Ирыстоны Фæсарæйнаг хъуыддæгты министры хæстæ æххæстгæнæг Джиоты Æхсары æмæ Уæрæсейы Федерацийы Фæсарæйнаг хъуыддæгты министр Сергей Лавровы фембæлд.

Ныхасы рæстæджы æддагполитикон уагдæтты сæрдæрттæ æрдзырдтой дывæрсон æмархайды актуалон фарстатæ, æддагон политикæйы дарддæры координаци, афтæмæй ма регионалон æмæ æхсæнадæмон æмгуыстады ахсджиаг здæхтытыл, се 'хсæн Фæскавказы Æдасдзинад æмæ стабилондзинады фарстаты фæдыл æхсæнадæмон дискусситы хайадист.

Республикæ Хуссар Ирыстоны Фæсарæйнаг хъуыддæгты министр Джиоты Æхсар йæ интервьюйы «РИА Новости»-йæн радзырдта, Уæрæсеимæ интеграцийы уæрæхкæнынад кæй у республикæйы сæйраг здæхт. Уыимæ иумæ Гуырдзыстон дарддæр кæны НАТО æмæ европæйаг структурæтимæ интеграцийы курс, уый фæдыл йемæ рæстæгмæ фидыды фарста нæу скъуыддзаг – уæлдайдæр та Цхинвалы национ æдасдзинад хынцгæйæ.

Республикæ Абхазы Уæлахизы æмæ Хæдбардзинады боны фæдыл Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Абхазы Фæсарæйнаг хъуыддæгты министр Олег Барцицмæ.

Сæрмагондæй, арфæйы дзырдæуы:

«1933 азы рухæны мæйы 30-æм бон абхазы адæм сæ сæрибардзинад æмæ Фыдыбæстæйы хæдбардзинады сæраппонд тохы рæстæджы равдыстой хъайтардзинад æмæ хъæддыхдзинад. Уæлахиздзинад ссис ахсджиаг цау Апсныйы паддзахадон суверенитет сфидар кæныны æмæ æхсæнадæмон банымады хъуыддаджы. 

Рухæны мæйы 29-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Никарагуайы Фæсарæйнаг хъуыддæгты министр Вальдрак Людвинг Джентске Уитакеры, кæцы делегацийы сæргъ æрцыд Цхинвалмæ, цæмæй хайад райса Республикæ Хуссар Ирыстоны Президент Хъамболты Мараты инаугурацийы церемонийы.

Рухæны мæйы 29-æм бон ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсар фембæлд Боливариайнаг Республикæ Венесуэлæйы Уæлвæткон æмæ Æххæстбарджын Минæвар Уæрæсейы Федерацийы Хесус Рафаэль Саласар Веласкесимæ, кæцы æрцыд Цхинвалмæ, цæмæй хайад райса Хъамболты Мараты Республикæ Хуссар Ирыстоны ног Президент суæвыны официалон церемонийы.

Фембæлды ма хайад райстой Республикæ Хуссар Ирыстоны Фæсарæйнаг хъуыддæгты министры Фыццаг хæдивæг Цхуырбаты А.В. æмæ РХИ-йы ФХъМ-йы Фæсарæйнаг уагдæттимæ куысты фæдыл хайады сæрдар Санахъоты А.Г.

Нæ хъус æрдардтам Гуырдзыстоны премьер-министр Ираклий Кобахидзейы радон раныхасмæ ИНО-йы Генералон Ассамблейы трибунæйæ. Хъыгагæн, гуырдзиаг къухдариуæгады архайд Хуссар Ирыстон æмæ Абхазы ‘рдæм нæ ивы.

Тбилисы декларацитæ æмæ практикон къахдзæфты 'хсæн ницы иудзинад ис, сты дард уæвæг геополитикон æцæгдзинадæй. Ууыл дзурæг сты официалон Тбилисы æнæрлæугæ арахайдтытæ Хуссар Ирыстоны ныхмæ. Сæрмагондæй, Фæскавказы Æдасдзинады фæдыл дискусситы Гуырдзыстоны минæвæрттæ кæй не сты разы тыхæй ма спайда кæныны фæдыл юридикон хæсджынгæнæг документ бафыссынмæ.

Гуырдзыстоны æддагполитикон уагдон, Евроцæдис, кæцыдæр европæйаг бæстæтæ, афтæмæй ма Азербайджан æмæ Японийы фидиуæн Хуссар Ирыстоны ацæугæ æвзæрстыты фæдыл нæ уыд æнæнхъæлæджы. Ахæм фидиуæнтæ нымайæм Хуссар Кавказы æцæг куыд у уавæр, ууыл нæразыдзинадыл.

Зæрдыл лæууын кæнæм, Хуссар Ирыстоны Президенты æвзæрстытæ кæй сты æрмæстдæр нæ паддзахады мидхъуыддаг. Ацыдысты Республикæйы Конституци æмæ национ закъондæттынады бындурыл, æмбæстагон активондзинад æмæ æхсæнадæмон цæстдарджыты хайадистимæ, кæцытæ банысан кодтой сæ легитимондзинад. 

ИНО-йы Генералон Ассамблейы 81-æм сессийы бæрзонд æмвæзады къуырийы фæлгæтты саммиты рæстæджы Гуырдзыстоны премьер-министр И. Кобахидзейы ‘рдыгæй загъд афтæ хуыйнæг оккупацийы фæдыл радон тезистæ нæ уыдысты æнæнхъæлæджы. Хъыгагæн, Тбилисы позици нæ фæивта. Историон æцæгдзинадыл сразы уын æмæ ивгъуыды трагикон цауты фæдыл бæрндзинад райсыны бæсты, гуырдзиаг къухдариуæгад дарддæр пайда кæны «Гуырдзыстоны территорийы 20% оккупаци»-йы фæдыл таурæгъæй. 

Рухæны мæйы 23-æм бон Мæскуыйы ацыд Республикæ Хуссар Ирыстоны Президенты Паддзахадон уынаффæгæнæг Коцты Константины фембæлд, кæцы лæууы Фæскавказы Æдасдзинад æмæ стабилондзинады фæдыл æхсæнадæмон дискусситы хуссарирыстойнаг делегацийы сæргъ, Уæрæсейы Федерацийы Фæсарæйнаг хъуыддæгты министры хæдивæг Михаил Галузин æмæ Республикæ Абхазы Фæсарæйнаг хъуыддæгты министр Олег Барцицимæ.

Рухæны мæйы 18-20-æм бонты Уæрæсейы Федерацийы Паддзахадон Думæмæ фарастæм æрсидты æвзæрстыты хайад райстой Уæрæсейы æмбæстæгтæй Республикæ Хуссар Ирыстоны чи цæры, науæд хъæлæс кæныны бон йæ территорийыл чи уыд, уыдон дæр.

Хуссар Ирыстоны баконд ис иуæндæс æвзарæн фадыджы. Хъæлæс кæныны процесс сорганизаци кодта Уæрæсейы Федерацийы Минæварад Хуссар Ирыстоны.

Æвзарджыты фылдæр хай сæ хъæлæстæ радтой парти «Иугонд Уæрæсе»-йæн (67,6%), УФКП (10,6%), УЛДП (5%), парти «Ног адæм» (3,2%) æмæ парти «Уæрæсейы Коммунисттæ»-йæн та (2,1%).