Новости

Парти «Гуырдзиаг фæнд»-ы полисоветы уæнг Тея Цулукианийы сæргълæудæй Гуырдзыстоны райдыдта йæ куыст раздæр архайæг парти «Иугонд национ змæлд» цы фыдракæндтæ сарæзта, уыдон сбæрæг кæныны фæдыл рæстæгмæ архайæг парламентон къамис. Къамис арæзт æрцыд 2025 азы æртхъирæны мæйы 5-æм бон.

Нысан куыд цæуы, афтæмæй къамис æвзардзæн канд 2003 азæй 2012 азмæ сарæзт фыдракæндтæ нæ, фæлæ ма бавналдзæн 2012 азы фæстæ афонмæ дæр. Уыдоны ‘хсæн М.Саакашвили президент цы рæстæг уыд, уæд æрцæугæ цаутæ, сæрмагондæй, 2008 азы майрæмты мæйы трагеди.

Тæргæйтты мæйы 25-æм бон Республикæ Хуссар Ирыстоны Фæсарæйнаг хъуыддæгты министрады ацыд РХИ-йы ФХъМ-йы Æвзонг дипломатты советы рабадт. Рабадты хайад райстой РХИ-йы ФХъМ-йы Æвзонг дипломатты советы Сæрдар, РХИ-йы ФХъМ-йы Фæсарæйнаг уагдæттимæ куысты фæдыл хайады Сæрдар Санахъоты А.Г., афтæмæй ма Советы уæнгтæ – Министрады кусджытæ.

Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Фæсарæйнаг хъуыддæгты министр Сергей Лавровмæ юбилейы цытæн. 

Сæрмагондæй, арфæйы дзырдæуы:

«Ирд уæрæсейаг политик, фæлтæрд дипломат æмæ диссаджы адæймаг уæвгæйæ, ды бирæ азты дæргъы дæ уд æмæ дæ тыхтæ нывонд кæныс Уæрæсейы национ интерестæ хъахъхъæныны хъуыддагæн. 

Цытджын Сергей Викторы фырт, Хуссар Ирыстоны дын ис стыр кад æмæ цыт. Дæ ном рагæй фæстæмæ ссис рæстдзинад æмæ бæрзонд профессионализмы синоним. 

Тæргæйтты мæйы 18-æм бон пресс-центр Sputnik-ы ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметовы пресс-конференци, кæцы уагъд æрцыд Республикæ Хуссар Ирыстон æмæ Уæрæсейы Федерацийы 'хсæн Хæларад æмæ интеграцийы фæдыл бадзырды бафыстæй 10 азы рацыды цытæн. 

Пресс-конференцийы рæстæджы æрдзырдæуыд Бадзырды фæлгæтты 10 азы дæргъы æмгуыстад, Хуссар Ирыстон æмæ Уæрæсейы ‘хсæн æмархайды ныры уавæр æмæ дарддæры размæдзыды фарстатыл. 

Абон Хуссар Ирыстоны агурынц Ереды трагедийы чи фæмард, уыдон рухс нæмттæ. Ирыстоны ног историйы уый у æппæты æгъатырдæр æмæ æбуалгъдæр фыдракæндтæй иу.

1991 азы тæргæйтты мæйы 18-æм бон Ереды хъæумæ хæстæг гуырдзиаг лæгсырдтæ бацахстой автомашинæ «Урал» æмæ дзы рахизын кодтой 25 ирон адæймаджы. Сылгоймæгтæ æд сывæллæттимæ куыддæрты фервæзтысты, фæлæ дзы 12 нæлгоймагæн фæфыдмитæ кодтой, уый фæстæ сæ удæгасæй баныгæдтой æмæ сын сæ бынат бульдозерæй сраст кодтой. 

Тæргæйтты мæйы 17-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Хуссар Ирыстоны зынгæ паддзахадон æмæ æхсæнадон архайæг Гасситы Знауыры райгуырдæй 100 азы рацыды фæдыл цытджын мадзæлтты.

Мадзæлттæ райдыдтой Гасситы Знауыры уæлмæрдмæ дидинтæ сæвæрынæй Дзауы районы Бузалайы хъæуы. 

Республикæ Хуссар Ирыстоны Парламенты ацыд цытджын æмбырд, кæцыйы хайад райстой æппæт æрсидтыты депутаттæ, Республикæйы къухдариуæгад æмæ æхсæнад.

2025 азы тæргæйтты мæйы 17-æм бон

Горæт Беслæны Администраци æмæ Комитет «Беслæны Мадæлтæ»-йы æххуысæй тæргæйтты мæйы 11-æм бон Беслæны ацыд горæт Цхинвалы Администрацийы Сæрдар Гæбæраты Аланы æмæ горæт Градарæйы (Италийы Республикæ) мэр Филиппо Гасперийы фембæлд, кæцы балцимæ ис Республикæ Цæгат Ирыстон-Аланийы. 

Нæ хъус æрдардтам Гуырдзыстоны Фæсарæйнаг хъуыддæгты министр Мака Бочоришвилийы загъд ныхæстæм испайнаг агентад EFE-йæн йæ интервьюйы, кæцыйы банысан кодта гуырдзиаг зæронд-ног æддагон политикæйы афтæ хуыйнæг «æвдисæндартæ». Сæрмагондæй, банысан кодта, зæгъгæ, «йæ бæстæйы нал хъæуы ног хæст Уæрæсеимæ, фæлæ НАТО, афтæмæй ма Европæйы Цæдисы скондмæ бахизыны ныхмæ нæу».

Уæрæсейы Федерацийы Фæсарæйнаг хъуыддæгты министр Сергей Лавров рарвыста арфæйы фыстæг Республикæ Хуссар Ирыстоны Фæсарæйнаг хъуыддæгты министр Джиоты Æхсармæ райгуырæн боны цытæн. 

Арфæйы дзырдæуы: 

«Цытджын Æхсар Мураты фырт,

Зæрдæбынæй дын арфæ кæнын дæ райгуырæн боны цытæн!

Ацæугæ азы кæфты мæйы 4-æм бон Мæскуыйы нæ фембæлд стыр æхцондзинадимæ лæууы мæ зæрдыл. Уæрæсейы дæ зонынц фæлтæрд дипломатæй, кæцы уæзгæ хайбавæрд бахаста Республикæ Хуссар Ирыстоны позицитæ дунеон аренæйы сфидар кæныны хъуыддагмæ. 

Женевæ, 2025 азы тæргæйтты мæйы 6-æм бон

Æртхъирæны мæйы 27-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Джусойты Нафийы номыл мысæн изæры, кæцы ацыд Культурæйы уæрæсейаг фонды Мæскуыйы.

Зынгæ ирон фыссæг, драматург, публицист, тæлмацгæнæг æмæ Ирыстоны адæмон фыссæгы райгуырдæй 100 азы рацыды цытæн мадзал сарæзтой УФ-йы Президенты цур РЦИ-Аланийы Æнаивгæ минæварад Уæрæсейы уæвæг Хуссар Ирыстоны Минæварадимæ иумæ æмæ Мæскуыйы ирон общинæ.

Æртхъирæны мæйы 27-æм бон ацыд Республикæ Хуссар Ирыстоны Фæсарæйнаг хъуыддæгты министр Джиоты Æхсары фембæлд Республикæ Никарагуайы Уæлвæткон æмæ Æххæстбарджын Минæвар Республикæ Хуссар Ирыстоны Альба Асусена Торрес Мехияимæ. 

Фембæлды ма хайад райстой Республикæ Хуссар Ирыстоны Уæлвæткон æмæ Æххæстбарджын Минæвар Республикæ Никарагуайы Козаты Нарим æмæ Республикæ Никарагуайы Минæварады Уынаффæгæнæг-Минæвар Уæрæсейы Федерацийы Клаудио Антонио Арана. 

Ныхасы рæстæджы æрдзырдæуыд дыууæ хæларадон бæстæйы ‘хсæн ахастыты размæдзыд, афтæмæй ма актуалон дунеон цаутыл.