35 азы размæ Хуссар Ирыстоны адæм райдыдтой сæ сæрибардзинад, сæ зæххыл хæдбарæй цæрыны бартыл тох кæнын.
1989 азы джеоргуыбайы мæйы 23-æм бон мингай гуырдзиаг националисттæ Звиад Гамсахурдиайы сæргълæудæй гæрзифтонгæй æрбацыдысты Цхинвалмæ нæбасæтгæ ирæттæн «зонд бацамоныны» фæндимæ. Фæлæ сæ фæндтæ сæ къухты нæ бафтыдысты. Ирон адæм æрбаиу сты æмæ сын сæ фæндаг æрæхгæдтой. Уый уыд национ иудзинады æвдисæн.
Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста Æхсæнадæмон конференци «Историческая память о геноциде третьим рейхом народов Советского Союза в период Великой Отечественной Войны: фактология и псевдоистория в формировании справедливого мирового порядка»-йы, кæцы ацыд Тыбылты Алыксандыры номыл Хуссар Ирыстоны Паддзахадон университеты (ХИПУ).
Конференцийы хайад райстой РХИ-йы æххæстгæнæг æмæ закъондæттæг органты, дипкорпусы минæвæрттæ, эксперттæ æмæ историктæ Хуссар Ирыстон, Уæрæсе æмæ Абхазæй, студенттæ.
Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста нотæ Сириаг Араббаг Республикæйы Фæсарæйнаг хъуыдæгтæ æмæ æмбæстæгты хъуыддæгты фæдыл министр Бассам Саббагмæ Дамаскы районтæ Маззе æмæ Кудсеяйы цæрæн бынæттæ Израилы хæстон авиацийы 'рдыгæй цæфтæ кæй баййафтой, уый фæдыл. Цæфты фæстиуæгæн фæхъуыдысты бынæттон цæрджытæ, ныппырх сты бæстыхæйттæ.
Æрцæугæ цауы охыл Джиоты Æхсар тæфæрфæс ракодта чи фæмард, уыдон бинонтæ æмæ хиуæттæн, чи фæцæф, уыдонæн та йæ зæрдæ загъта тагъддæр сæнæниз уын.
Республикæ Хуссар Ирыстоны Фæсарæйнаг хъуыддæгты министрад хъусын кæны Республикæ Хуссар Ирыстоны Фæсарæйнаг хъуыддæгты министрады кадрон резервмæ бакæныны фæдыл конкурсы фæуды тыххæй.
Конкурсы хатдзæгты фæдыл 2024 азы джеоргуыбайы мæйы 12-æм бон Республикæ Хуссар Ирыстоны Фæсарæйнаг хъуыддæгты министрады кадрон резервмæ хастгонд æрцыдысты 8 адæймаджы.
Конкурсы фæстаг этапы цы кандидаттæ райстой хайад, уыдонæй алкæмæ дæр æрвыст æрцыдысты хæтдзæгтимæ фыстæджытæ.
Цхинвал, 2024 азы джеоргуыбайы мæйы 14-æм бон
Джеоргуыбайы мæйы 8-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар Мæскуыйы бабæрæг кодта Латинаг Америкæйы Хæдзар.
Ацыд фембæлд Латинаг Америкæйы Хæдзары Директор Юлия Сурилова, Латинаг Америкæйы Хæдзары Правлениийы Сæрдар Руслан Захаров æмæ Латинаг Америкæйы Хæдзары Директоры хæдивæг Елена Сувертокимæ. Ныхасы рæстæджы æрдзырдæуыд æмгуыстады фарстатыл.
Джеоргуыбайы мæйы 8-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар æмæ Республикæ Хуссар Ирыстоны Æххæстбарджын Минæвар Уæрæсейы Федерацийы Гасситы Знауыр Уæрæсейы Федерацийы уæвæг Республикæ Никарагуайы Минæварады хуындæй хайад райстой Сандинистон Адæмон Революцийы Раздзог Команданте Карлос Фонсека Амадоры номыл дидинтæ сæвæрыны церемонийы.
Никарагуайы хъайтары трагикон амæлæты бонæй 48 азы рацыды охыл мадзал ацыд Мæскуыйы Хæларады Парчы.
Джеоргуыбайы мæйы 7-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар, Мæскуыйы кусæгон балцы уæвгæйæ, бабæрæг кодта Уæрæсейы ФХъМ-йы Æхсæнадæмон ахастыты Мæскуыйы паддзахадон институт (университет), цыран фембæлд Хуссар Ирыстонæй студенттимæ.
Фембæлды хайад райстой ÆАМПИ-йы Æхсæнадæмон управленийы Сæргълæууæг Егор Андреев, ÆАМПИ-йы фæсивæдон политикæ, социалон фарстатæ æмæ æхсæнадæмон бастдзинæдты фæдыл Проректор Станислав Суровцев, ÆАМПИ-йы цур Ректораты Уынаффæгæнæг Андрей Решетняк æмæ Хуссар Ирыстоны Минæварады Уынаффæгæнæг Уæрæсейы Денис Долгушев.
2024 азы джеоргуыбайы мæйы 5-6 бонты Женевæйы ИНО-йы Нациты галуаны ацыд Фæскавказы стабилондзинад æмæ æдасдзинады фæдыл Æхсæнадæмон дискусситы 62-æм раунд. Дискусситæ цæуынц Медведев æмæ Саркозийы 2008 азы майрæмты мæйы 12-æм æмæ рухæны мæйы 8-æм бонты бадзырдадтæм гæсгæ.
Джеоргуыбайы мæйы 6-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста пленарон рабадт «Хъырым- Уæрæсейы форпост раст дунеарæзтады фæдыл тохы»-йы, кæцы цæуы Ялтæйы æхсæнадæмон форум (ЯÆФ) – 2024 «Хъырымы хæлæрттæ – Уæрæсейы хæлæрттæ»-йы фæлгæтты джеоргуыбайы мæйы 6-7-æм бонты Мæскуыйы.
Мадзалы ма хайад райстой Хуссар Ирыстоны Паддзахадон университеты (ХИПУ) Ректор Тедеты Вадим æмæ Республикæ Хуссар Ирыстоны Фæсарæйнаг хъуыддæгты раздæры министр Медойты Дмитрий.
Джеоргуыбайы мæйы 4-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар райста йæхимæ Республикæ Хуссар Ирыстоны уæвæг Сырх Дзуары Æхсæнадæмон Комитеты (СДÆК) Минæварады Сæрдар Драгослав Блажевичы йæ хæстæ кæронмæ бахæццæ кæныны фæдыл.
Республикæ Хуссар Ирыстоны территорийыл СДÆК-ы Минæварады куыстмæ уæзгæ хайбавæрды фæдыл Джиоты Æхсар бузныджы ныхæстæ загъта Драгослав Блажевичæн æмæ йын раарфæ кодта дарддæры æнтыстыты фæндиæгтимæ.
Д. Блажевич дæр бузныджы ныхæстæ загъта хуссарирыстойнаг фарсæн æнтысджын æмгуыстады фæдыл.
Адæмон иудзинады боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Уæрæсейы Федерацийы Уæлвæткон æмæ Æххæстбарджын Минæвар Республикæ Хуссар Ирыстоны Марат Кулахметовмæ.
Сæрмагондæй, арфæйы дзырдæуы:
Кæфты мæйы 31-æм бон Республикæ Хуссар Ирыстоны Фæсарæйнаг хъуыддæгты министр Джиоты Æхсар хайад райста зонадон конференци «Уæрæсемæ Ирыстоны æрбаиуыл 250 азы сæххæст»-ы, кæцы ацыд Уанеты Захары номыл Хуссар Ирыстоны зонадон-иртасæн институты (ХИЗИИ).
Мадзалмæ ма хуынд æрцыдысты РХИ-йы парламенты Вице-спикер Тадтаты Таймураз, Цхинвалы уæвæг Уырыссаг хæдзары Сæрдар Сергей Комиссаров, æхсæнадон змæлд «Иры Стыр Ныхас»-ы хуссарирыстойнаг хайады къухдариуæггæнæг Тыбылты Леонид.
