Новости

Майрæмты мæйы 7-8 бонты Республикæ Хуссар Ирыстоны цæуынц Хуссар Ирыстоны ныхмæ Гуырдзыстоны хæстон агрессийæ æстдæс азы рацыды охыл мысæн мадзæлттæ.

Майрæмты мæйы 7-æм бон мемориалон комплекс «Хуссар Ирыстоны хъахъхъæнджытæн»-ы раз ацыд мысæн церемони, кæцыйы рæстæджы акцийы хайадисджытæ сæвæрдтой дидинтæ мемориалмæ æмæ фæмардуæвджыты рухс номыл ссыгътой цырæгътæ.

Майрæмты мæйы 8-æм бон Сыгъдæг Мадымайрæмы Аргъуан æмæ Сыгъдæг Æртæиуоны аргъуаны майрæмты мæйы хæсты амæттæгты номыл ацыдысты мысæн службæтæ.

Майрæмты мæйы 7-8 бонты Республикæ Хуссар Ирыстоны ацæудзысты Хуссар Ирыстоны ныхмæ Гуырдзыстоны хæстон агрессийæ æстдæс азы рацыды охыл мысæн мадзæлттæ.

Цалынмæ 2008 азы майрæмты мæйы æнæхъæн дуне каст Пекины Олимпаг хъæзтытæ бакæныны церемонимæ, уæдмæ Гуырдзыстон, æхсæнадæмон барады æппæт нормæты сæрты ахизгæйæ, мæнгардæй æрбабырста Хуссар Ирыстонмæ. Атакæйы бын бахаудысты ирон æмæ уæрæсейаг фидауынгæнæн тыхтæ, афтæмæй ма горæт Цхинвал æмæ республикæйы хъæутæ дæр. 

Майрæмты мæйы 4-æм бон Республикæ Хуссар Ирыстоны Фæсарæйнаг хъуыддæгты министрады ацыд Фæсарæйнаг хъуыддæгты министр Джиоты Æхсары æмæ Республикæ Хуссар Ирыстоны Экономикон размæдзыды министры Хæдивæг Тъехты Альберты фембæлд Къаролад Таиланды минæвæрттимæ, кæцытæ сты Хуссар Ирыстоны кусæгон балцимæ.

Фембæлды рæстæджы Джиоты Æхсар радзырдта Хуссар Ирыстон æмæ ирон адæмы истори æмæ культурæйы тыххæй. Экономикон размæдзыды министры Хæдивæг Тъехты Альберт банысан кодта Хуссар Ирыстонæн туризмы размæдзыды æмæ ацы фадыджы ахастытæ уæрæх кæныны ахсджиагдзинады фæдыл.

Майрæмты мæйы Болонийы ацыдысты æфсæнвæндагон вокзалы терактæй 46 азы рацыды охыл мысæн мадзæлттæ. 1980 азы станцæйы срæмыгъды фæстиуæгæн фæхъуыдысты 85 адæймаджы, 200 фылдæр райстой цæфтæ; Италийы нырыккон историйы уый ссис стырдæр теракт. 1980 азы майрæмты мæйы 2-æм бон фæмардуæвджыты рухс номыл Италийы расидтæуыд Массон фыдракæндты амæттæгты мысæн бон.

ПМР-йы фæмард хъахъхъæнджыты Мысæн боны Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста мæсæллæйы фыстæг Приднестроваг Молдаваг Республикæйы Фæсарæйнаг хъуыддæгты министр Виталий Игнатьевмæ.

Сæрмагондæй, фыстæджы дзырдæуы:

«Майрæмты мæйы 1-æм бон Приднестровьейы арынц 1992 азы конфликты рæстæджы йæ зæххы хæдбардзинад æмæ сæрибар царды аргъæй чи балхæдта, уыдон рухс нæмттæ. Ацы бон æнустæм баззад приднестроваг хъахъхъæнджыты хъæбатырдзинад æмæ хъайтардзинады æвдисæнæй».

Республикæ Хуссар Ирыстоны Фæсарæйнаг хъуыддæгты министрад йæ хъус æрдардта Республикæ Наоэройы (раздæры Науру) хицауады Республикæ Хуссар Ирыстонимæ дипломатон ахастытæ æрлæууын кæныны уынаффæмæ, кæцыйы бæрæг бæлвырдæй уынæм æддагон æндæвдад.

Ацы къахдзæф нæу дывæрсон ахастыты фæстиуæг. Уæвæг информацимæ гæсгæ, бирæ рæстæг Наоэройы хицауадыл цыд æндæвдад. Бæрæг у, æмæ Гуырдзыстон ныгуылæны структурæты æххуысæй пайда кæны æппæтæй дæр, цæмæй Хуссар Ирыстоны фæиппæрд кæна æхсæнадæмон аренæйæ. Ахæм архайдтытæ дзурæг сты, цы зын уавæрты кусынц чысыл сакъадахон паддзахадтæ, ууыл.

Сусæны мæйы 28-æм бон Республикæ Хуссар Ирыстоны Фæсарæйнаг хъуыддæгты министрады Æвзонг дипломатты советы Сæрдары Хæдивæг Цхуырбаты А.А. онлайн-форматы хайад райста æхсæнадæмон тымбыл фынг «Миротворческая миссия на Днестре: 34 года мира и стабильности»-йы куысты, кæцы ацыд Тарас Шевченкойы номыл Приднестровьейы паддзахадон университеты. 

Венесуэлæйы национ хъайтар Симон Боливары Райгуырæн боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Боливариайнаг Республикæ Венесуэлæйы Фæсарæйнаг хъуыддæгты министр Феликс Рамон Пласенсия Гонсалесмæ. 

Сæрмагондæй, арфæйы дзырдæуы:

Республикæ Абхазы Паддзахадон тырысайы боны цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Абхазы Фæсарæйнаг хъуыддæгты министр Олег Барцицмæ. 

Сæрмагондæй, арфæйы дзырдæуы:

«Паддзахадон тырыса у абхазаг адæмы хæдбардзинад, суверенитет æмæ хъайтарон историйы уаз символ. Тырыса сæрыстырæй фæйлауы æмæ зæрдыл лæууын кæны Апсныйы хъæддыхдзинад æмæ æнгомдзинад. Ацы ахсджиаг бон у Республикæ Абхазы æнтысджын размæдзыды æвдисæн».

Хуссар Ирыстон æмæ Сирийы 'хсæн Дипломатон ахастытæ сфидар кæныны фидыд æмæ Хæларад æмæ æмгуыстады фæдыл бадзырд бафыссынæй 8 азы рацыды цытæн Республикæ Хуссар Ирыстоны Фæсарæйнаг хъуыддæгты министрад арвыста арфæйы фыстæг Сириаг Араббаг Республикæйы Фæсарæйнаг хъуыддæгты æмæ эмигрантты хъуыддæгты фæдыл министрадмæ.

Сæрмагондæй, арфæйы дзырдæуы:

Нæ хъус æрдардтам Европæйы цæдисы номæй æрæджыйы фидиуæнмæ, цыран нысан цæуы Сирийы Адæмон æмбырдимæ Брюсселы «кусыны» фæнд, цæмæй Дамаскы суверенон уынаффæтæ ивд æрцæуой. Ныхас цæуы сириаг къухдариуæгадыл бандавыны фæлварæнтыл, цæмæй сисой Хуссар Ирыстон æмæ Абхазы хæдбардзинады банымад. 

Сусæны мæйы 19-æм бон Республикæ Никарагуа нысан кæны сæйраг национ бæрæгбон – Сандинистон Адæмон революцийы бон.

Ацы ахсджиаг бонæй 47 азы рацыды цытæн Республикæ Хуссар Ирыстоны Фæсарæйнаг хъуыддæгты министр Джиоты Æхсар арвыста арфæйы фыстæг Республикæ Никарагуайы Фæсарæйнаг хъуыддæгты министр Денис Роналдо Монкада Колиндресмæ æмæ Республикæ Никарагуайы Фæсарæйнаг хъуыддæгты министр Вальдрак Людвиг Джентске Уайтэйкермæ.